IKALAWANG LINGGO NG ADBIYENTO B

-


4 NA PARAAN NG PAGHIHINTAY 2:
MAGHINTAY NANG MATIYAGA



Sa sobrang dami ng problema, naisipan ng isang babae na mabilis na wakasan ang kanyang sariling buhay. Dahil hindi kayang tapusin ng gobyerno ang kampanya laban sa droga sa ipinangakong 3-6 na buwan, kaya naman pinapatay na lang ang mga suspect. Hindi pa handang maging ama, pinayuhan ng isang lalaki ang katipan niya na magpalaglag ng sanggol. Dala ng katamarang mag-aral, mas minabuti ng mga estudyante na mandaya na lamang sa exam. Kaydami pang halimbawang maiisip natin…

Sa ating buhay, maging simpleng gawain o matinding hamon, natural lamang na naisin natin ang mabilis at madaling solusyon. Kulang na kulang tayo ngayon sa pagtitiyaga. Kaya kung kailangang maghintay nagiging napakahirap nitong dalhin. Oo, pwede namang maghintay, pero sandali lang. Kayang maghintay, basta siguraduhin lamang na konti lang ang abala at bahagya lang ang sakit!

Ngayong Adbiyento, pagnilayan natin ang ikalawang paraan ng paghihintay: MATIYAGANG PAGHIHINTAY.

Sa ikalawang pagbasa, 2 Pedro 3, sinasabi sa ating may ibang orasan ang Diyos. Ang isang araw sa kanya ay tila isanlibong taon, ang ang isanlibong taon tila isang araw. Hindi nagmamadali ang Diyos na makakuha ng resulta. Hinahayaan niyang lumipas ang panahon para unti-unting maganap ang kanyang mga balak.

Inihanda ng Diyos ang sangnilikha bago isugo ang kanyang Kaisa-isang Anak. Pinahintulutan niya ang kanyang Anak na dumanas ng kamatayan bago ang Pagkabuhay. Hindi sapilitan ang pagsisisi ng isang makasalanan. Walang hangganang nakatakda para sa pagbabalik-loob ninuman. Binibigyan ng Panginoong ng panahon ang bawat isa sa atin na lumago at siya mismong maghangad na makipag-ugnayan sa kanya. Ang Diyos ay matiyagang Diyos.

Ngayong Adbiyento, hilingin nating ituwid ng Panginoon ang ating kawalan ng pagtitiyaga at pagtitimpi. Banayad nating hintayin ang mga tao na magbago at ang mga pangyayari na maganap. Maghintay pa nang kaunti para sa pisikal at espiritwal na kagalingan.  Maghintay para sa pagkakasundo sa mga kaaway at katampuhan. Maghintay sa tamang panahon ng Diyos sa pagtugon sa ating panalangin, kahilingan at himalang inaasahan sa ating buhay.

Habang natututo tayong maging matiyaga sa mga sitwasyon, bagay at tao sa paligid, maging matiyaga at mapagpasensya din tayo sa ating sarili. Ayon kay San Francisco de Sales: Huwag magmadali; gawin ang lahat nang tahimik at panatag na diwa. Huwag mawalan ng panloob na kapayapaan sa anumang bagay, kahit tila ang buong mundo mo ay bumaligtad pa.

Naghintay si Juan Bautista sa ilang para sa pagdating ng Mesiyas. Matuto nawa tayo mula sa kanya nang matiyagang paghihintay para sa katuparan ng mga pangako ng Diyos.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more