MAUNDY THURSDAY: Virus ng Pagmamalinis

-


PAGBASA: Jn 13: 1-15





Ano kaya ang pakiramdam kapag hinugasan ka ng paa ng isang tao? May mga taong naluluha kapag ginawa ito sa kanila sa Misa ng Huwebes Santo. May nangangatog. May nahihiya. Siguro ganito din ang pakiramdam ni Pedro noon. Kaya tuloy, tumanggi siyang mahugasan ng paa. Kailangan tuloy ipaliwanag ng Panginoong Hesus na lahat sila ay dapat mahugasan ng paa. Lahat sila ay dapat linisin bago makibahagi sa Huling Hapunan. Bagamat hindi natin laging iniisip, pero minsan akala natin okey na tayo. Puwede na tayo. Katanggap-tanggap na tayo sa harap ng Diyos. Pero hindi pala. Kailangan na maranasan natin ang paglilinis ni Hesus, ang kanyang paglilingkod, ang kanyang pagpapakumbaba, ang kanyang pag-aalay ng buhay para sa atin. Nakakahiya man, dapat nating hayaan ang Diyos na mahalin tayo. Nakakakilabot man, dapat nating maranasan ang kanyang haplos. Nakakaiyak man, dapat nating maranasan na walang malinis sa harap ng Diyos kung hindi dadaan sa paglilinis ni Hesus… ng kanyang dugo sa Krus.



Panginoon, puksain mo po sa akin ang virus ng pagmamalinis. Ipakita mo po sa akin ang pangangailangan ko sa iyong pagliligtas upang tunay akong magbago, maging mas mabuti, at tunay na malinis sa mata mo.



Sa gabing ng Huwebes Santo ginagawa ang pagtatanod sa Banal na Sakramento hanggang alas-dose ng hatinggabi. Dito ginagawa ang Visita Iglesia ng marami. Dahil hindi mo ito magagawa sa simbahan ngayon, maglaan ng mahahalagang sandali sa harap ng altar sa iyong bahay. Tahimik na magbasa ng Bible, magnilay, at makiiisa sa sakripisyo ng Panginoon.
 
#ourparishpriest 2020

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more