PENTEKOSTES/ PAGDATING NG ESPIRITU SANTO A

-


SA LIWANAG MULI!

image from the internet

Ano pakiramdam na makawala sa pinakamahabang lockdown sa buong mundo?

Sinimulan nang kalagitnaan ng Kuwaresma at wawakasan ngayong Pentekostes na!

Walang eskuwela, walang trabaho, walang simba-simba, walang negosyo nang dalawa’t kalahating buwan… paano ka nakatiis? Salamat sa Diyos at narito pa rin tayo!

Ngayon nga ay Kapistahan ng Pagbaba ng Espiritu Santo sa Mahal na Birhen at sa mga Apostoles (Gawa 2: 1-11).

At hindi ba, bago yun, maging ang mga apostoles ay nasa lockdown!

Matapos mamatay si Hesus sa krus, nawala at nagtago ang mga ito.

Kahit nabuhay na muli ang Panginoon, wala pa rin silang mukhang ihaharap sa mundo, takot pa rin, sindak pa rin.

Subalit naalala nila ang pangako ng Panginoong Hesus: ipadadala ang Regalo, ang Espiritu Santo, pero kailangan muna silang maghintay at magdasal.

Isipin natin na nagdarasal nga sila maya’t maya: Halina, Espiritu Santo… halina, Espiritu Santo… paulit-ulit.

Dumating nga ang Espiritu Santo at ang unang ginawa ng mga apostoles ay lumabas sa pinagtataguan at makihalubilo sa labas upang ipahayag si Hesus na muling nabuhay!

Wala na ang takot, naglaho na ang pangamba, tumigil na ang panginginig.

Puno ng Espiritu Santo, ang mga apostoles ay nangaral at nagturo ng Mabuting Balita sa sinumang nakita nila.

Taun-taon tayong pinapaalalahanan na tumawag sa Espiritu Santo sa pista ng Pentekostes.

Sinasabi ng pananampalataya na paulit-ulit nating dasalin: Halina, halina, halina Espiritu Santo. Kung tapat tayo, darating nga Siya sa ating buhay.

Pero kapag dumating na siya, dapat na tayong tumigil magsabi ng “halina Espiritu Santo.” Hindi pwedeng anyayahan pa ang isang kasama na natin o nasa piling na natin.

Sa halip, lasapin ang kanyang presensya, damhin ang kanyang kapangyarihan, at isabuhay ang kanyang ibinabahaging pag-asa sa atin.

Noong Pentekostes, tumigil ang mga apostoles na magsabing “halina” at sa halip ay lumabas taglay ang tapang ng Espiritu Santo upang magsimula ng bagong buhay bilang mga misyonero, mangangaral at mga saksi ng Pagkabuhay ni Kristo!

Malapit na nga tayong lumabas ng bahay.

Malapit nang bumalik sa dating kapaligiran at mga gawain.

Siguraduhin, nakapagdasal ka sa Espiritu Santo, “Halina sa aking puso!”  Bilin ni Pope Francis na dasalin natin ito lagi.

Sa katunayan, magandang gawin ito tuwing gigising sa umaga.

At kapag naanyayahan na Siya sa ating puso, lumabas na may taglay na lakas-loob at muling buuin ang sariling buhay at hanapbuhay, at mga relasyon sa buhay lalo na ang ugnayan sa Diyos at paglilingkod sa kapwang kasama natin araw-araw.

Mapuno nawa tayo ng presensya ng Espiritu Santo at patibayin nawa tayo sa ating hangarin na pagandahin ang ating mundo.

Paki-share sa kaibigan….



Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more