IKA-14 NA LINGGO NG KARANIWANG PANAHON B

-

 


ANG DISKRIMINASYON AY SAKIT

MK 6:1-6

 


 

 

Nang ma-ordinahang pari ang isang seminarista, nagbunyi ang lahat ng kamag-anak ng kanyang ina. Subalit ang mga kamag-anak ng kanyang ama ay nagkibit-balikat at nagbale-wala lamang. Bakit? Kasi ang tatay niya noong bata ay rebelde, hindi nakapag-aral, at isang abang manggagawa. Kung paanong minaliit ng mga kamag-anak ang ama, ganun din nila itinuring ang anak kahit pari na ito ngayon.

 

Nakaranas ang Panginoong Hesus ng ganitong tagpo sa kanyang buhay nang  hindi matanggap ng kanyang mga kapitbahay, ilan marahil ay kamag-anak pa, na siya ngayon ay isa nang mangangaral ng Salita ng Diyos (Mk 6). Paano sila maniniwala sa kanya e, kilala siya bilang hamak na karpintero, at anak ng biyudang kapitbahay na si Aling Maria, at ang mga kapatid (sa katunayan ay mga pinsan) niya ay walang mga sinasabi sa kanilang bayan. Nakaramdam ng kirot sa puso si Hesus nang isarado nila ang kanilang puso sa kanyang pagdating at sa kanyang pagtawag.

 

Ang lungkot talaga na pinababayaan pa rin natin ngayon na mabulagan tayo dahil sa ating diskriminasyon at pamimili ng taong pakikisamahan o tatanggapin. Sa maraming lugar, ipinu-puwera ang mga banyaga, o ang ibang lahi, ibang relihyon, ang mga mahihirap o ang mga gay community. Kaydaming mga taong minamaliit ng iba, hindi sa kagagawan ng mga ito, kundi dahil sa katangahan at kayabangan ng mga nangmamaliit sa kanila.

 

Sinasabi sa Mabuting Balita ang kawalang kakayahan ni Hesus na maglingkod sa kanyang mga kababayan dahil sa kanilang pagtanggi sa kanya bilang propeta ng Diyos. Ito ang isang malaking kabiguan ni Hesus. Hindi siya nagtagumpay sa misyong mangaral at magbago ng puso ng kanyang mga minamahal. Kabaligtaran naman, na tinanggap ang Panginoon at pinakinggan sa ibang lugar na masayang sumalubong sa mensahe niya ng kaligtasan.

 

Kapag nag-puwera tayo ng mga tao sa ating buhay, akala natin matagumpay tayong pinangalagaan natin ang ating sarili sa mga taong hindi natin gusto. Ang totoo, pinigilan nating maranasan ang kabutihang maaaring dala nila sa ating buhay. Kaya hindi tayo nabibiyayaan kundi nagiging higit pang nawawalan dahil sa ating kabulagan at kayabangan.

 

Magdasal tayong masidhi na huwag sanang magtakwil ng iba dahil sa ating mapangmatang ugali na akala natin mas mataas o mas magaling tayo sa iba. Baka tinatanggihan natin ang Diyos na nagdadala ng mensahe, pag-asa at pagmamahal sa pamamagitan nila. Manalangin tayo sa halip, na magkaroon ng bukas, mapagpakumbaba at mapagtanggap na puso upang maging laging handa sa darating na kaligtasang kaloob ng Diyos sa atin.

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more