IKALIMANG LINGGO NG KUWARESMA K

-

 


ANO ANG NAGANAP?

Jn 8:1-11

 

photo: fr tam nguyen
 

 

Isang matandang babae ang gagala-gala sa gabi kaya hinuli ng mga tao, sinaktan at itinali ang leeg, mga braso at binti sa isang puno. Bintang ng mga tao, isa daw itong asuwang. Iyon pala, ang babae ay may depresyon dala ng kamatayan ng kanyang asawa ilang linggo ang nakararaan. Ang nangangatog at nauutal na babae e nakunan ng camera ng isang naawang kapitbahay kaya kumalat ito sa social media.

 

Nasaksihan ni Hesus ang nakasusukang tagpong ganito nang kaladkarin sa harap niya ang isang babaeng nahuli sa pakiki-apid. Nais ng mga taong husgahan niya ito nang masimulan na nila itong batuhin hanggang sa mamatay.

 

Subalit ano ang nangyari sa pagitan ni Hesus at ng mga tao? Hindi pinagbigyan ng Panginoon ang masamang balak ng mga tao. Hindi niya rin pinayapa ang kanilang galit at poot. Nanatili lamang siyang tahimik at nang magsalita, tinumbok niya ang puso ng lahat. “Sige, patayin ninyo siya; lamang, iyong mga walang kasalanan ang may karapatang bumato sa kanya.” Tila walang nakapasa sa panuntunan, kaya isa-isang naglaho ang mga tao.

 

Ano naman ang naganap sa pagitan ni Hesus at ng babae? Hindi na sinabi sa atin ng ebanghelyo. At hindi sasabihin kailanman sa atin ang personal na pag-uusap nilang dalawa. Palagay ko, sa harap ni Hesus, inamin ng babae ang lahat, humingi ng tawad, humingi ng awa, at ng lakas para sa bago at binagong buhay. Dahil wala nang ibang susulingan, lubos siyang nagtiwala sa kaiisa-isang nanatiling kakampi niya sa gitna ng kutya at alimura ng iba.

 

Hindi kaya ito ang unang Kumpisal? Narito kasi lahat ng sangkap ng Kumpisal. Lalapit tayo bilang makasalanang kinokondena ng kapwa o ng ating sariling budhi, at mauupong mag-isa sa piling ni Hesus sa katauhan ng pari. Papawiin ni Hesus ang boses ng mga nanghuhusga upang siya lamang ang ating marinig. Walang galit, poot, panghihiya o pambabastos, kundi pagpapatawad at panghihikayat na muling magsimula: “Hindi rin kita hahatulan! Umuwi ka na at mula ngayon ay huwag ka nang gumawa ng kasalanan.”

 

Natatakot ka bang mag-Kumpisal? Nahihiya ka bang humarap sa pari? Hindi ba mas kailangan mong humarap sa kanya na ang katarungan ay habag at ang pagpapatawad ay bukal ng buhay at bagong lakas? Kuwaresma na! Magkumpisal ka na, kapatid! Hinihintay ka ng Panginoon!

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more