IKA-APAT NA LINGGO NG PAGKABUHAY - A

-

ANG PAMILYA NG PASTOL



Isang bata ang naka-diskubre na siya pala ay ampon lamang. Subalit sa halip na magtampo siya, inisip niya kung gaano siya minahal ng kanyang mga magulang. Hanggang mamatay ang kanyang ama, hindi niya naramdaman na siya ay kakaiba. At ang kanyang ina din, hanggang ngayon ay patuloy ang pagmamahal sa kanya. Sa halip na magtampo, lalo siyang naging mapagpasalamat sa maganda niyang kapalaran.

Ang ikalawang pagbasa (1 Juan 3:1-2) ay nagsasaad na umaapaw ang pag-ibig ng Diyos kaya tayong lahat ay ginawa niyang mga anak: tayo ngayon ay anak ng Diyos…” kahit isinilang tayong malayo sa kanya, inampon niya tayo. Naganap ito dahil sa pagsusugo niya sa Panginoong Hesukristo bilang ating Tagapagligtas: “walang kaligtasan kaninuman maliban sa kanya…” na gumawa sa atin bilang mga kapatid niya at anak ng Ama.

Ang Salita ng Diyos ngayon ay nagpapatuloy ng kagalakan ng Pasko ng Pagkabuhay. Ang ating Muling Nabuhay na Panginoon ang nagbukas ng tahanan ng Ama para tayong lahat ay makapasok sa tulong ng Espiritu Santo.

Sa Ebanghelyo (Jn 10:11-18), binabanggit ng Panginoong Hesukristo na siya ang Mabuting Pastol. Pero kahit ang kawan ng tupa ay tila hindi naman niya itinuturing na mga alagang hayop lamang.  Sobrang pagiging malapit niya sa kanila.”kilala ko sila at kilala nila ako… ibibigay ko ang aking buhay para sa kanila.”  Pati ang mga tupa sa labas ng kawan ay mahal niya: “sila din ay aakayin ko, maririnig nila ang aking tinig at magiging isang kawan sila, sa ilalim ng isang pastol.”

Para pala sa Mabuting Pastol, ang kawan ang kanyang pamilya; siya ang puno at sila ang bahagi. Ginamit na larawan ay mga alagang hayop pero ang kahulugan ay ang pag-ibig ng Diyos sa mga taong kanyang inampon. Ipinararamdam ng Mabuting Pastol sa kawan na sila ay bahagi ng kanyang buhay at sila ay mahal niya bilang kanyang pamilya.

Sa tulong ng Muling Pagkabuhay, may bago na tayong kaugnayan sa Diyos. hindi galit at parusa, o pagtutuwid at pangaral, o taguan at hanapan. Hindi ganyan ang pamilyang mapagmahal. Sa halip, ito ay ugnayan ng malalim na pagkakaisa na gumagawa sa ating tunay na anak kahit tayo ay makasalanan lamang. Ito ay ugnayan ng walang sawang malasakit para sa ating lahat; ugnayan ng kagalakan dahil ang ating Pastol, ay kalakbay natin at nag-aakay sa ating tungo sa yakap ng Ama.

Tulad ng aking kaibigan, magsaya tayo dahil inampon tayo ng Ama sa pamamagitan ng Mabuting Pastol ng ating buhay.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more