ANG SANTO NGAYON: SAN BONIFACIO OBISPO AT MARTIR

-

HUNYO 5



A. KUWENTO NG BUHAY

Kilala at lubhang iginagalang sa buong Germany ang ala-ala ng santong si San Bonifacio, ang apostol ng Germany.  Hindi siya mula sa bansang ito subalit dito siya nag-alay ng kaniyang pagpupunyagi para sa kabutihan at kaligtasan ng mga mamamayan doon.

Ipinanganak noong 673 si Bonifacio sa Wessex, England. Ang kanyang unang edukasyon ay pinamahalaan ng mga Benedictines sa kanyang sariling bansa. Pumasok siya sa monasteryo bilang isang mongheng Benedictine.

Nagliliyab sa puso ni Bonifacio ang damdaming misyonero kaya humingi siya ng pahintulot na ipahayag ang Mabuting Balita sa ibang bansa. Dahil dito, ipinadala siya bilang misyonero sa kautusan ni Papa Gregorio II. pinalitan din ng Santo Papa ang pangalan ni Bonifacio, mula sa orihinal na pangalang Winfrid sa bagong pangalang Bonifacio.

Naging matagumpay ang misyon niya sa Germany kaya ginawa siyang isang obispo at inilagay sa kanyang mga kamay ang buong bansa bilang kanyang nasasakupan.  Diretso siyang nagbibigay ng kanyang ulat sa Santo Papa.

Maraming sumapi sa simbahan dahil sa pangangaral ni San Bonifacio. Pinilit niyang itatag nang matibay ang pundasyon ng simbahan sa bansa.  Naganap ito dahil maraming tumulong sa kanya na mga monghe at mga mongha mula sa England.

Naging isang arsobispo si San Bonifacio at lalo siyang naging masigasig sa pagtatayo ng mga bagong diyosesis.  Nagtatag din siya ng maraming mga monasteryo.  Naging masigla ang pananampalataya sa Bavaria, ang pinakamalaking rehiyon ng Germany, sa Thuringia, ang gitnang bahagi ng bansa, at sa Franconia, dating lupaing sakop ng mga Franks.

Bahagi ng kontribusyon ni San Bonifacio ay ang pagtawag ng mga pagtitipon ng mga obispo at mga lider simbahan upang gumawa ng mga hakbang sa lalong ikalalago ng pananampalataya.  Dahil din sa kanya, napagtibay ang mga batas na ipinatupad ng simbahan para maging pamantayan ng pagsasabuhay ng pananampalataya.

Habang naghahanda si San Bonifacio para sa Kumpil ng isang grupo ng mga bagong kaanib ng simbahan, pinatay siya ng isang grupo ng mga hindi Kristiyano noong taong 754. Namatay siyang kasama ng iba pang mga martir ng pananampalataya. Inilibing siya sa monasteryo ng Fulda, kung saan hanggang ngayon ay ginagawa ang mga pagpupulong ng mga obispo ng Germany.


B. HAMON SA BUHAY

Si San Bonifacio ay nagmalasakit sa ibang bansa, para sa ibang lahi, para sa ibang kultura.  Maging handa tayong magpakita ng pag-ibig at mag-alay ng sakripisyo para sa mga taong kaiba sa atin, sa lugar na malayo sa atin, sa kulturang malayo sa ating kinagisnan.

K. KATAGA NG BUHAY

Acts 26: 23

kailangang maghirap ang Mesiyas, at sa pagiging una niyang bumangon sa mga patay, ipahahayag niya ang liwanag sa kanyang bayan at sa mga bansa.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more