DAKILANG KAPISTAHAN NG PAGPAPAKITA NG PANGINOON: EPIFANIA O TATLONG HARI

-



KALOOB AT MISTERYO


Pasko ang panahon ng mga regalo. Ang tatlong pantas o tatlong hari ay may dalang handog sa Batang Hesus. Ang Diyos naman ang nagbigay ng pinakadakilang regalo sa mundo- ang kanyang kaisa-isang Anak, nakabalot sa lampin, simbolo ng kababaang-loob.

Ang pagsilang ni Hesus ay kaloob ng Diyos sa mga taong naglalakbay sa kadiliman at nababalot ng makapal na ulap, tulad ng sinasabi ni Isaias 60. Nais ng Diyos ang kalayaan ng kanyang bayan at gusto niya silang gawing maningning na ilaw para sa lahat. Sa matagal na panahon, ang alam lamang ng mga tao ay pagka-alipin at kahihiyan. Ngayon, ang Diyos ang siyang nagpapabago sa kahirapan ng Israel at ginagawa silang marangya, sa gulat at pagka-inggit ng kanilang mga kapit-bayan.

Sa Sulat sa mga taga-Efeso, paliwanag naman sa atin na ang regalo ng Diyos ay isang misteryo, hindi misteryong mahirap malaman. Kundi misteryong ibinunyag na, ibinahagi na upang maramdaman ang pag-ibig. Ang pag-ibig ng Diyos ay isang misteryong dahan-dahang binubuksan upang lalong malantad ang pagkatao ng Anak ng Diyos, ang ating Panginoong Hesukristo.

Ang mga pantas sa Mabuting Balita ay nagdala ng mga regalo subalit nang makilala nila ang tunay na Regalo ng Ama, ang kanilang buhay ang nagbago. Ngayon handa na silang akayin ng Diyos sa panibagong landas, iba sa dating tinatahak ng kanilang buhay bago nila matagpuan ang Sanggol na Diyos na bahagi na ng kasaysayan ng mundo.


Dahan-dahan tayong nagpapaalam sa Pasko, habang itinatabi na natin ang mga regalong natanggap natin. Hilingin natin sa Diyos na ibunyag sa atin ang pag-ibig at malasakit ng mga taong nagpakita ng pagpapahalaga sa atin. Nawa’y lagi natin din silang mahalin at pahalagahan. Higit sa lahat, hilingin natin sa Diyos na maunawaan natin ang tunay na kahulugan ng kanyang regalo, ang Anak niyang isinugo sa mundo. Naway lagi natin siyang taglayin sa ating puso habang tumatahak tayo sa bagong landas ng kalayaan at liwanag.

Salamat sa Diyos sa mga regalo at sa misteryo ng pag-ibig.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more