IKATLONG LINGGO NG KUWARESMA A

-
-->
ATUBILI PERO GUSTO NAMAN…



Kahit ang mabuting balita ni Mateo ang sinusunod natin sa taong ito, pinagninilayan natin ang ilang tagpo sa mabuting balita ni Juan. Halimbawa ang Juan 4, kung saan nakatagpo ng Panginoong Hesus ang babaeng Samaritana.



Kinakatawan ng babaeng Samaritana ang mga taong nais tanggapin ang Diyos pero may natitira pang pag-aatubili bago mabuksan ang puso. Gusto nilang mahalin ang Diyos pero nais muna nilang mawala ang lambong na nakatakip sa kanilang mga mata. Hindi handa kasi may agam-agam. May agam-agam kasi nasaktan. Nasaktan at kailangan ang paghihilom.



Ang unang pagtutol ng babae ay ang hindi pagkaka-pantay ng Hudyo at Samaritano. Totoo naman kasing mababa ang tingin ng mga Hudyo sa mga Samaritano na tinatawag nilang hindi purong lahi. Hindi pinansin ni Hesus ang reklamo at sa halip inialay ang “tubig ng buhay” na dala niya. Natuwa ang babae dahil pagod na siya kaiigib ng tubig.



Ang ikalawang pagtutol ng babae ay ang kanyang nakaraan. Alam ni Hesus na lima na ang asawa niya at may iba na naman ngayon. Tatanggapin pa kaya siya ng Diyos sa kabila ng lahat? Pero hindi sinabi ng Panginoon, “Magbago ka muna at saka ka na bumalik.” Handa si Hesus tulungan ang lahat ng nagkamali kapag nasa wastong panahon na. Ang mahalaga ay tanggapin muna ang alok na pag-ibig.



Ang ikatlong pagtutol ng babae ay ang lugar ng pagsamba. Para sa mga Hudyo, sa Templo, para sa mga Samaritano, sa Bundok ng Gerizim. Matiyagang nagpaliwanag ang Panginoon na sa bandang huli ang tunay na pagsamba ay magaganap sa puso at espiritu ng tao.



Muling tumutol ang babae at ginamit naman ang pagdating ng Mesiyas. Siguro pagdating niya saka na lamang siya maniniwala. Kaya tiniyak ni Hesus sa kanya: Ako na Siya! Ang daming depensa at pagtutol! Pero nang gumuho ang lahat ng depensa ng babae, buong galak na ipinahayag si Hesus sa lahat niyang mga kapitbahay.



Ano naman sa inyo? Anong pader ang nasa pagitan mo at ng Diyos? Ano ang balakid sa pagtanggap mo sa kanya? Dahil ba hindi ka karapat-dapat mahalin? Dahil ba magulo ang iyong nakaraan? Dahil baka hindi ka mapatawad? Dahil naging napakasama mo na? Baka hindi ka maunawaan ni Hesus?



Sa linggong ito, hinahabol tayo ng matiyagang pag-ibig ng Diyos. Hindi niya pakay ang nakaraan mo. O ang mga kasalanan. Kahit pa ang marami mong kahinaan. Ang nais niyang sabihin lamang ay “mahal na mahal ka niya!” Simpleng mensahe pero totoo! Tanggapin natin siya. Lapitan natin siya sa kumpisal, panalangin at sakripisyo. Naghihintay ang kanyang pag-ibig!

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more