DAKILANG KAPISTAHAN NG PAGSILANG NG PANGINOON

-
-->
DAKILANG YAKAP





Matapos mapalayo nang matagal sa probinsya, umuwi ang mga magpipinsan sa kanilang lolo at lola sa bukid. Sa malayo, nakita nila ang matatanda na gumagawa sa gulayan, kaya’t tumakbo sila para yakapin ang mga ito. Nagulat at natuwa ang mga matatanda pero nang yayakapin na sila ay biglang tumanggi. “Naku huwag, pawisan kami at mabaho. Ayaw naming madumihan ang magagara ninyong damit.”



Ang yakap ay isa sa mga pinakamasarap, nakalulugod, at nakagaganyak na pagpapakita ng pag-ibig at suporta. Hindi nating niyayakap kahit sino lamang. Bihirang mayakap mo ang isang hindi mo kilala. Niyayakap lamang natin ang mga taong mahal, inaalala at iginagalang natin.



Maraming tao ang hindi nakakatanggap ng yakap. At maraming naghahangad na mayakap man lamang. Ang pulubi sa tabing daan, ang palaboy sa kalsada, mga bata sa ampunan, matatandang pinabayaan, mga bilanggo at mga nakaratay sa banig ng karamdaman – hindi kaya ang mga ito ay naghahangad na minsan, may maka-alalang huminto, kumausap at yumakap sa kanila nang buong pagmamahal?



Sa panahon ng Kapaskuhan, inaalala natin ang pinakadakilang yakap o yapos na naranasan ng daigdig. Niyakap ng Diyos, sa pamamagitan ng kanyang Anak na si Hesus na Panginoon, ang buong sangkatauhan na may ganap na pag-ibig at pagka-habag. Ang Pagkakatawang-tao ng Panginoong Hesus, ang misteryo ng Diyos na naging tao, ay isang matarik na misteryo, subalit ang kahulugan nito ay mauunawaan sa tulong ng simpleng paghahalintulad sa isang yakap.



Tayo ay mga makasalanang nagkakamali at hindi perpekto. Batid natin ang dumi at baho ng ating buhay. Lantad sa atin ang ating kapangahasan. Tulad ng mga lolo at lola sa bukid, dama nating hindi tayo karapat-dapat yakapin. Subalit sa kanyang kabutihan, sa kanyang di-malirip na pagmamahal, iniunat ng Diyos ang kanyang mga bisig at binalot tayo sa maka-amang pagtanggap at pagpapatawad.



Ang Paskong ito ay paalala na bagamat hindi tayo karapat-dapat mapansin ng Diyos dahil sa ating paglayo sa kanya, minarapat ng Panginoon na ipahayag sa atin ang pagmamahal sa pagyakap niya sa ating buong buhay sa lupa (pagsilang, paglago, kamatayan), ang ating pagdarahop bilang mga tao, upang balang araw makabahagi tayo sa kanyang kaluwalhatian.





Maglaan tayo ng panahon na magdasal at magnilay sa mga araw na ito, habang iniisip nating niyayakap tayo ng Diyos sa anumang situwasyon natin ngayon. Pahintulutan natin siya at ibalik natin sa kanya ang yakap, sa ating kahinaan at pagkukulang. Damahin natin ang yakap na ito… at magbahagi ng isang Pamaskong yakap sa isang tunay na nangangailangan!



ISANG PINAGPALANG PASKO PO SA INYONG LAHAT!

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more