KAPISTAHAN NG SANTO NIÑO, K

-


ANG HINDI MATAPOS-TAPOS NA PAGREREGALO


 Santo Nino de Atocha



Madalas banggitin na ang dahilan ng pagdiriwang ng Santo Niño ay kultural, dahil mapagmahal tayo sa mga bata dito sa ating bansa, at napakaraming bata sa paligid! Sinasabi ring ang dahilan ay espirituwal dahil tinatawag tayo ng Panginoon na maging tulad ng mga bata sa ating pananampalataya. Ngayon naman hanapin natin ang teyolohikal na dahilan (kahulugang batay sa aral ng pananampalataya) kung bakit mahalaga sa ating mga Pilipino, sa buong simbahan, at sa sinumang nagpapahalaga sa dangal ng tao ang debosyon sa Santo Niño.



Bagamat tapos na ang Kapaskuhan, hindi maikakailang ang diwa nito ay nananatili pa rin. Higit pa dito, ang mensahe ng Pasko ay umaapaw pa rin sa mga pista hanggang sa Epifania (o tatlong Hari), at maging sa mga unang buwan ng bagong taong dumating.



Ang lubhang malalim (o kung tawagin ay teyolohikal) na mensahe ng Santo Niño ay parang sa Pasko: ang kahanga-hangang pagpapalitan (sa Latin, admirabile commercium) ay naganap sa pagitan ng langit at lupa. Sa madaling sabi, ito ang tunay na pagbibigayan ng regalo na dulot ng Pagkakatawang-tao ng Anak ng Diyos na si Hesus. Iniregalo niya ang kanyang sarili bilang isang tao. Tayo naman ngayon ay may lakas at tapang na iregalo ang sarili sa Diyos at makabahagi ng kanyang kabutihan, kapayapaan, at pagmamahal. Naging tao ang Diyos upang ang tao ay matulad sa Diyos.



Kahanga-hanga di ba? Malalim na katotohanan ito at madalas ang lengguwahe ng teyolohiya ay hindi sapat upang gawing mas simple pa upang lalong maunawaan. Buti na lang, ang imahen ng Santo Nino ay nagbibigay ng buhay na paglalarawan at ng kongkretong halimbawa upang malasap natin ang kahanga-hangang pagbibigayan ng regalo ng Diyos at ng kanyang mga anak.



Kapag minamasdan ang Santo Nino sa ating mga altar hindi ba at nakikita rin natin ang ating sarili sa kanya? Munti, mahina, nangangailangan, tila walang kabuluhan. Ang ganyang bata ang tunay na larawan ng kahinaan ng pagkatao. Naging tulad nating ang Diyos upang ipakita ang lalim ng kanyang pagmamahal. Subalit hindi dito naputol ang kuwento.



Kapag nagdarasal din tayo sa Santo Nino naaalala nating kahit tayo ay maliit, hindi lamang tayo mga simpleng nilalang sa mundo. Sa katunayan, tayo ay itinataas bilang mga anak ng Ama sa langit. Dumating si Hesus sa pamilya ng mga tao, upang ang mga tao naman ay makapasok sa puso ng Diyos.



Sa harap ng ating Santo Nino, magpasalamat tayo sa Diyos na umako ng ating pagkatao. Huwag din nating kaligtaang ialay sa kanya ang kaibuturan ng ating mga puso upang hipuin niya ang ating kahinaan ng mabathalang pagbabasbas at pagpapalakas.



(kung nakakatulong sa iyo ang blog na ito, paki-share sa isa pang kaibigan. salamat po!)

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more