IKA-26 NA LINGGO NG KARANIWANG PANAHON K

-


KASALANAN BA ANG WALANG GAWIN?





May isang 90 anyos na lalaking inihabla sa korte ng mga survivor ng kalupitan ng mga Nazi.



Ang taong ito ay umaming nasa death camps siya hindi bilang sundalo, tagapahirap, o pinunong Nazi… kundi bilang simpleng accountant lamang doon.



Trabaho niya ay mag-kolekta, mag-ayos, mag-lista at magtago ng mga singsing, relo, maleta, sapatos, kwintas at iba pang gamit na kinumpiska sa mga Hudyo.



Sabi niya alam niyang kinuha ang mga ito dahil mamamatay na at di na kailangan ito ng mga may-ari.



Depensa niya, trabaho lang daw ang ginagawa niya; sumusunod lang.



Wala siyang sinaktan; walang ninakawan.



Higit sa lahat, hindi siya pumatay tulad ng mga guwardiya, tagapagpahirap, at mga medical team ng Nazi. Totoo naman di ba?



Pero ang hatol ng hukuman ay nakasentro sa isang malaking pagkukulang ng taong ito.



Alam niya pala na may mga pinahihirapan… may mga pinapatay… may mga nililipol.



Pero bakit wala siyang sinabi o ginawang anuman para tulungan ang mga ito!



Kung ako ba, walang ginagawa, nagkakasala ba ako?



… nasa bahay lang naman at tahimik na namumuhay



… nagtatrabaho lang at wala namang kapangyarihan



…mabuti ang umiwas sa gulo



…asikasuhin ko muna ang pamilya ko.



Ano ang masama doon?



Sa Mabuting Balita ngayon, sinasabi ng Panginoong Hesus na ang walang paki ay mali!



Ang mayaman ay hindi rin nanakit o nang-api kay Lazaro (Lk 16).



Hindi niya ito minura o itinaboy.



Pero sa huli, ang mayaman ay napunta pa rin sa impiyerno!



Bakit?



Kasi hindi man lamang niya kinausap ang pobre.



… o binahaginan man lang ng pagkain at inumin



hindi niya naisip na baka gusto nitong mahiga sa maayos na kama.



Ang mayaman ay lublob sa karangyaan kahit alam niyang may isang naghihirap



…hindi sa ibang bansa

…kundi sa mismong labas ng pintuan niya!



Iyon ang nagpagalit sa Diyos, dahil ang pananaw na ito ang siyang kabaligtaran ng pananaw ni Hesus!



…nakaluklok sa langit, ang Panginoong Hesus ay tumapak sa marumi at dalitang lupa



…Lubhang makapangyarihan, namuhay siya sa kahinaan sa piling nating mahihina



…Panginoon ng lahat, pero naging alipin ng lahat



…Bukal ng buhay, subalit nagpasyang ialay sa krus ang buhay para sa kaligtasan ng kanyang mga kapatid.



Ipinakita ni Hesus, sa kanyang buhay at kamatayan, na ang walang pakialam kung kaya at dapat namang makialam, ay isang mabigat na kasalanan – tawag natin ay “kasalanan ng pagkukulang.”



Ang mag-alala sa hirap ng iba, ang mabagabag sa dusa nila, ang makiisa sa paghahagilap, ang mag-abot ng kamay, ang magpakita ng lugod at awa – ito ang mga siguradong paraan para makarating sa langit. Walang ibang tugon ang Diyos sa mga ito kundi pagsang-ayon at kagalakan!



Kaya huwag lang magdasal at magbasa ng Bible, ano? Ngumiti rin at makipag-usap ka naman!

Huwag lang mag-ayuno at sakripisyo! Tulong-tulong din sa kapwa pag may time!

Huwag lang mag-donate! Maglaan ng oras sa taong nangangailangan ng iyong pagmamahal at awa!



HUWAG KALIMUTANG I-SHARE SA ISA PA! GOD BLESS PO!














-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more