KAPISTAHAN NG PAGBI-BINYAG KAY HESUS SA ILOG JORDAN

-

PINILI AKO NG DIYOS!



Natutuwa ako na ilang kabataan sa parokya ang nagsaad ng kagustuhan na maging Katoliko. Nais daw nilang tumanggap ng sakramento ng Binyag. Talagang excited sila.  Parang ganito rin sa Mabuting Balita natin ngayon. Si Hesus ay buong pananabik ding lumapit kay Juan Bautista upang magpa-binyag.  Noong una, tumutol pa si Juan subalit sa paliwanag ng Panginoong Hesus, bininyagan niya ang kanyang Panginoon.

Isang mahalagang kahulugan ng binyag ang ipinakikilala sa atin ngayon.  Para sa mga kabataang ito, at tulad ng Panginoong Hesukristo sa ebanghelyo na pumunta kay Juan, ang binyag ay isang pasya, isang pagpili.  Damang dama ito ng mga may edad na na nagnais magpa-binyag.  Malayang pinipili nila ang binyag para sa kanilang sarili kahit na may kaakibat itong mga kundisyon sa araw-araw na buhay.

Pero paano naman tayong nabinyagan noong bata pa. Ni hindi natin alam ang naganap nang binyagan tayo.  Ang tanging ala-ala natin ay mga litrato sa album na itinatago natin sa ating bahay. 

Para sa ating mga “cradle Catholics,” mga bininyagan noong bata o sanggol pa, ipinaaala sa atin na bagamat hindi tayo ang pumili, tayo naman ay “pinili” ng Diyos.  Hindi tayo “pinilit.”  Hindi din ito “ipinilit” sa atin.  Mula sa ating pagkabata, tayo ay pinili ng Diyos sa pamamagitan ng binyag sa tulong ng mga magulang.

Kahit nga iyong mga bininyagang may sapat na isip at gulang ay pinili din ng Diyos dahil hindi naman nila aasamin na maging Kristiyano, na maging Katoliko, kung hindi Diyos ang unang nag-anyaya sa kanila.  Sila din, tulad natin, basta dumaan sa binyag ay “pinili” ng Diyos.

Tayo ay pinili – napakagandang maalala at tandaan itong katotohanang ito.  Pinili tayo ng Diyos kahit na noong batambata pa tayo, noong wala pa tayong kakayahan, noong walang kwenta pa tayo sa lipunan. Nauna ang Diyos na magmahal at magpahalaga sa atin. 

Minsan nararamdaman natin na parang walang saysay ang ating buhay, tila hindi na tayo mahalaga sa mga taong pinahahalagahan natin, o tila wala na tayong ginagawang mabuti, o tila nilampasan na tayo ng panahon.  Pagdating ng ganitong pagsubok, isa lang ang magbibigay sa atin ng lakas:  tayo ay Kristiyano, tayo ay binyagan, tayo ay pinili ng Diyos.

Pinili tayo ng Diyos dahil mahal tayo ng Diyos.  Pinili niya tayo dahil natutuwa siya sa atin tulad ng pagkagiliw niya sa ating Panginoon Hesus:  “Ito ang aking anak na kinalulugdan…”

Magalak ka.  Tumayo ka at harapin ang buhay na may tatag.  Pinili ka ng Diyos!

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more