IKA-18 LINGGO NG KARANIWANG PANAHON K

-


NAGHAHABOL SA BULA?





Sa Bibliya, ang salitang “banidoso” ay di tulad ng kahulugan nito ngayon.

Ang banidoso ngayon ay ang maarte sa anyo, katangian at ugali.

Ang banidoso ay ang nag-aakalang siya ang pinakamagaling at siya ang pinakamataas sa lahat.



Ang aklat ng Eclesiastes (unang pagbasa) ay mariing nagko-kondena sa pagiging banidoso – sa orihinal nitong kahulugan – anumang walang saysay, walang halaga, walang kabuluhan.



Ipinaaalala sa atin ng sumulat na marami sa mga bagay na gusto nating hagilapin ngayon sa mundo ay walang saysay kung titingnan mula sa mata ng Diyos, sa pananaw ng dako pa roon, sa perspektibo ng buhay na walang hanggan:



… gaano man kalaki ang pera mo hindi mo mabibili ang kaligayahan mo

… ang ganda ng mukha at hubog ng katawan ay hindi magdadala sa iyo sa tunay na pag-ibig

… ang matalino ay hindi laging marunong

… ang katapatan ng mga tao ay nag-iiba ng direksyon

… ang luho at pasarap ay may hangganan

… ang kasikatan at katanyagan minsan ay may dalang pahamak.



SInasabi sa atin ng Panginoong Hesus (Lk 12) na ang pinakamahalagang bagay sa lahat ay maging “mayaman sa mga bagay ukol sa Diyos”

… at hindi mga bagay ukol sa sarili mo… at sa mundong ito!



Pero, nakikinig ba tayo sa mga salitang ito?

Sino ang namumuhunan sa buhay na walang hanggan?



Mas nanaisin nating makita:

na lumago ang pera sa bangko.

na yumabong ang negosyo,

na lalong sumarap at guminhawa ang buhay,

na dumami ang natutuwa at nagigiliw sa atin.



Para marating ang mga ito, nanaisin ng mga tao na magsumikap; na gawin ang anumang makakaya para magtagumpay,

Sa makamundo at materyal na paraan,

Habang kinakalimutan ang tila hindi mahalaga at tila hindi makabuluhan tulad

… ng pagbabahagi at pagbubukas-palad

… pagiging banayad at disiplinado

… tapat na kaugnayan sa pamilya at kapwa

… ang pagtingala sa mga bagay na nasa itaas (ikalawang pagbasa Col 3) na ang ibig sabihin ay mga bagay na espirituwal.



Pakitanong ang sarili mo:

Ano ba ang tunay mong kinagigiliwan?

Ano ang nagpapabangon sa iyo sa umaga?

Ano ang tunay na hangarin at tibok ng iyong puso?

Ano ang laman ng isip at puso mo araw-araw?



Ipagdasal nating ibigay sa atin ng Panginoon ang biyayang piliin hindi ang mga walang halaga kundi pagpasyahan ang mga bagay na lalong mahalaga sa dulo ng buhay, ang mga bagay ng Diyos!




BAKIT KAILANGANG I-SHARE ANG BLOG? sa pag-share, natutulungan natin ang blog na manatili sa internet. kung hindi naii-share ang blog o hindi nakikita ng provider na mahalaga sa mambabasa, may chance na hindi na ito i-host ng provider at hindi na ito makikita sa hinaharap. kaya nga po, pakiusap, basahin, at i-share natin lagi ang blog na ito matapos nating basahin... para sa kaluwalhatian ng Panginoon!



-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more