IKA-22 LINGGO NG KARANIWANG PANAHON K

-


TOTOONG KABABAANG-LOOB?





Naitaas ka ng posisyon pero hindi mo maikwento sa iba dahil baka masabihan kang nagyayabang.



Nalaman mong nakapasok ka sa scholarship pero hindi ka makapagsaya dahil baka maging mapagmalaki ka.



Lagi kang naglalakad na nakayuko dahil ayaw mong isipin nilang nagmamataas ka.



Kahit pintasan o siraan ka nila, umiiwas kang makipag-away kaya tahimik na lang.



Sa pulong, pigil kang magsalita ng iyong mga iniisip dahil baka sabihin nilang ipinipilit mo ang iyong kagustuhan.



Sa mga nabanggit na sitwasyon, humble ka ba? Tiyak, HINDI!!



Inaakala nating ang kababaang-loob ay isang katangiang nagpapalamuti sa pagkatao, nagpapaganda ng ugali, at nagpapatingkad ng sarili.



At totoo namang ang kababaang-loob ay nagpapaganda sa sinumang yumayakap nito.



Pero pag tumigil tayo dito ay susupilin natin ang kahalagahan ng pagiging mababang-loob. Kalahati lang kasi ito ng buong tagpo.



Dito rin nagsisimula ang panlilibak at pagpapanggap sa kababaang-loob na sa katotohanan, ay hindi nakararating sa antas ng tunay at Kristiyanong katangian ng pagpapakumbaba.



Sinasabi sa atin ng Panginoong Hesus: ang nagpapakababa ay itataas, at ang nagpapakataas ay siyang ibababa. Pero ano ang kababaang-loob para kay Hesus?



Hindi ito maging humble para masabi lang na humble ka. Hindi ito “feeling humble” lang. Hindi rin “mukhang humble” lang. Hind din maging “bilib” o “kumbinsido” kang humble ka na nga.



Ang tunay na kababaang-loob ay hindi panloob na ugali lamang. Kung gayon, hindi ito kumpleto. Para maging totoo, dapat itong makarating sa iba, magpabuti sa iba, mag-inspire sa iba, magtaas sa iba.



Kaya nga patuloy si Hesus na nagbigay ng larawan ng tunay na mababang-loob – ang taong nangangalaga sa kapwa, nagpapatuloy sa mga dukha, at nagbabahagi sa mga may pangangailangan sa kanyang paglingap.



Ang kababaang-loob ay nagpapabanal sa tao kung ito ay dumadaloy sa mga kilos na tumutulong at nagtataguyod sa kapwa niya.



Isang dalagitang magde-debut ang sumira sa trend o uso sa birthday na sinusunod ng kanyang mga kaibigan.



Habang ang iba ay nagdiriwang ng kanilang 18th birthday sa magarbong party kasama ang mga pamilya at kaklaseng mayayaman, naisip ng dalagitang ito na magparty kasama ang mga batang lansangan at mga ulila sa ampunan na hindi pa nakakadalo sa isang tunay na party.



Hindi niya ipinahayag ang kababaang-loob sa salita, pero nadama ito ng mga nakapaligid sa kanya sa kanyang kilos at gawa.






-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more