IKA-19 NA LINGGO NG KARANIWANG PANAHON B

-

 


BULONG VS. BULUNG-BULUNGAN

JN 6: 41-51

 

 


 

Ang “bulung-bulungan” ay kakaiba sa “bulong.” Ang bulong ay para huwag kang marinig ng iba. Ang bulung-bulungan ay para marinig ka ng iba at ma-impluwensyahan mo sila. Ang bulung-bulungan ay tanda ng pagtutol, ng pag-aaklas, ng pag-ayaw. Kaya nga sa turo ni San Benito, isang pinakamalaking kasalanan ng isang monghe ay ang magbulung-bulungan sa loob ng monastery. Nakakasira kasi ito ng kapayapaan ng isip; nakakasira ng pagkakaisa at kapayapaan ng pamayanan; nakakahawa ito sa iba sa negatibong paraan.

 

Nagbulung-bulungan ang mga Hudyo laban kay Hesus dahil hindi sila makapaniwala sa kanyang pahayag. Paano ang simpleng taong ito ay magmumula sa langit? Paano siya magiging Tinapay ng Buhay na dulot ng Ama para sa buhay ng mundo?

 

Bilang mga Katoliko, ipinapahayag natin ang pananampalataya sa Eukaristiya. Dahil sinabi ni Hesus na siya ang TInapay ng Buhay, tugon natin ay “Amen” kapag tinatanggap natin ang kanyang Katawan sa Komunyon. Sinasabi din natin ang “Amen” na ito kung sinasamba natin ang Panginoon sa tabernakulo sa altar o sa Adoration Chapel. Walang bulung-bulungan. Buong puso lang tayong bumubulong na may malalim na pananampalataya: “Opo, Panginoon, naniniwala po ako sa iyong sinasabi.”

 

Kaydaming mga Kristiyano na nagsasabing naniniwala sila sa mga salita ng Bibliya… sa katunayan, sa mga salitang matatagpuan lamang sa Bibliya. Pero bakit, tulad ng mga Hudyo, nagbubulung-bulungan sila pagdating sa aral ni Hesus tungkol sa Tinapay ng Buhay? Hindi nila matanggap ang Eukaristiya bilang Tunay na Katawan ni Kristo. Giit nila, ito ay sagisag lamang, paraan lamang ng pagpapahayag, paglalarawan lang.

 

Pero hindi sinabi ng Panginoong Hesus sa Bible na “Ako ang Panginoon!” o “Ako ang Tagapagligtas!” o “Ako ang Diyos!” pero pinaniniwalaan natin na siya ang Panginoon, Tagapagligtas at Diyos, hindi ba? Subalit tahasang sinabi ng Panginoon: “Ako ang Tinapay na nagbibigay-buhay!” at dito, ang ibang mga Kristiyano ay nagbubulung-bulungan.  Sa susunod na dadalo tayo sa Misa at tatanggap ng Eukaristiya, ibulong nating tahimik subalit madiin ang ating pagsang-ayon, paniniwala, pananampalataya sa aral, salita, at mensahe ni Hesus – na siya nga ang Tinapay ng Buhay!

 

 

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more