IKA-22 LINGGO NG KARANIWANG PANAHON B

-

 


'WAG MAGING BASHER!

Mk 7: 1-18 14-15 21-23

 

 


 

Nang mamatay si Pres. Noynoy Aquino saka natuklasan ng mga tao ang mali nilang akala sa kanya noong nasa Malacañang pa siya. Isnabero daw at elitista, yun pala ay talagang mahiyaing. Wala daw pakialam at damdamin, yun pala ayaw lang niya mang-agaw atensyon sa mga dapat bigyan nito. Hindi daw madasalin tulad ni Tita Cory, yun pala talagang tahimik at mapagnilay sa sarili niyang paraan.

 

Tumbok ng Mabuting Balita ngayon ang uri ng ating pakikipag-kapwa. Kay dali nating manghusga kahit mababaw lang ang alam natin sa iba. Akala natin ang labas ng lalagyan ay pareho din ng laman sa loob nito. Nakikita natin ang kilos pero hindi sinusuri ang tunay na dahilan. Ano pa nga ba ang pagkakaiba natin sa mga Pariseo at mga eskriba sa panahon ng Panginoong Hesukristo?

 

Binuntutan at pinaligiran ng mga mapanghusga ang Panginoong Hesus. Siguro masasabi nating sila ang mga original na “bashers” sa Bible. Laging naninilip ng mali at kulang, ang mga kaaway na ito ng Panginoong Hesus ang mga modernong “trolls” na handang manira kahit hindi alam o nauunawaan ang iba. Ang nais lang nila ay magsindi ng galit, poot at pagkawasak ng kapwa.

 

Ang malungkot, relihyoso ang mga ito. Sa kanilang ginagawa, akala nila sinusunod nila ang Diyos. Ngayon, hindi maikakaila na marami tayong mga ka-brother at ka-sister sa mga parokya, bible study, organization – mga deboto at paladasal – na may mga matatalim at mapanlason na mga dila. Handang manlaslas at mamunit ng kapwang itinuturing nilang “makasalanan at makamundo” na hindi tulad nila. Kalyado ang puso nila sa mga damdamin ng kapwang nilalait nila. Alam kaya nilang, ang sinusugatan nila mismo ay ang puso ng Diyos?

 

Nakapanghusga ka ba kahit hindi mo alam ang buong katotohanan? Nanghusga ka ba batay lang sa itsura ng tao? Naki-chismis ka ba sa halip na kausapin nang tapatan ang taong pinag-uusapan? Sabi ng Panginoon katumbas yan ng pagpaparangal sa Diyos sa bibig lamang at hindi sa puso, pagsamba sa Diyos na walang saysay. Patawarin mo po ako Panginoon, at ilayo sa ugali ng isang basher!

 

 

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more