DAKILANG KAPISTAHAN NG KATAWAN AT DUGO NI KRISTO (CORPUS CHRISTI)

-
-->
EUKARISTIYA BILANG TAMBALAN





Sa Mabuting Balita ngayon, ginanap ni Hesus ang di-malilimutang himala ng pagpaparami ng tinapay at isda. Nakatala ito sa lahat ng ebanghelyo dahil ngayon lang nakakakita ng ganito ang mga tao. Wala pang nagtagumpay na magpakain ng laksa-laksang tao mula sa kakarampot na pagkaing naipon.



Pero kataka-taka nang sabihin ng Panginoon sa mga alagad: kayo ang magpapakain sa kanila. Noong una, gusto ng mga alagad na paalisin ang mga tao para maghanap ng pagkain. Ipinilit ng Panginoong Hesus na sila dapat ang kumilos. Nang huli, nakakuha sila ng 5 tinapay at 2 isda – para sa 5,000 tao – napakaliit talaga!



Ang ang pakay ni Hesus? Inaanyayahan niya ang mga alagad na makibahagi sa himala. Hindi sila tagamasid lamang, hindi manonood lamang, hindi mga taga-palakpak lang nang dumami ang pagkain. Sila ay bahagi ng magaganap na himala.



Hindi hinihingi ng Panginoon ang laki o dami ng kanilang kontribusyon. Hindi niya sinabi: humanap kayo ng 50% at akin naman ang 50%. Hindi rin siya humingi na gumawa sila ng anumang malaking gawain tulad ng paggawa ng higanteng oven or malaking kalan. Kahit ano ang maibibigay nila ay sapat na. Hindi dami o laki o paggawa ng anuman ang hanap ng Panginoon.



Hinahamon ng Panginoong Hesus ang mga alagad na makibahagi, na makiisa, sa himala niya sa pamamagitan ng kanilang tiwala at pag-asa sa kanya; na maniwala silang kaya niya ang imposible; na magtiwala silang siya ang sagot ng Diyos sa gutom at uhaw ng mga tao. Kahit munting tiwala lamang at maliit na pag-asa ay malayo ang mararating kung mananampalataya kay Hesus. At naganap ang di inaasahang himala!



Maraming gutom ngayon sa espirituwal na bagay. Nais ng Panginoon na pakainin lahat sa Eukaristiya. Pero marami ang naghahanap sa malayo para sa pagkaing nasisira at nauubos.  Tumatalikod sila sa Panginoon na naghihintay sa altar. Meron namang lumalapit sa Panginoon pero walang inaasahang masyado. Di ba maraming nagsisimba na madalas nakatingin sa relo o sa cell phone kaysa sa altar?  Nangangarap ng kung anu-anong ang gagawin pagkatapos ng Misa o kung ano ang palabas sa tv, ano ang kakainin pagkatapos?



Kung tayo ay dadalo sa Eukaristiya, dapat tayong makinabang sa ginagawa natin. Inaanyayahan tayo ng Panginoong Hesus na makinabang sa pamamagitan ng tiwala at pag-asa sa kanya. Oo, maraming kaguluhan sa isip o tukso sa mata sa loob ng Misa. Pero kapag ang puso ay nakatutok kay Hesus, nagaganap ang himala. Ang Eukaristiya o Misa ay tambalang natin at ng Diyos. ibigay mo sa kanya ang para sa kanya. Gagawin niya para sa iyo ang himalang inaasahan mo!




Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more