DAKILANG KAPISTAHAN NG PAGBABA NG ESPIRITU SANTO, K

-
-->
KATUWANG SA AKING KAHINAAN






Sa isang napakagandang panalangin, ang tawag sa Espiritu Santo ay “katuwang sa aking kahinaan.” Nakagugulat itong bagong tuklas na tawag sa Ikatlong Persona ng Santissima Trinidad, ang Diyos na dumarating ngayong Pentekostes.



Sa buhay, napapaligiran tayo ng ating mga “kahinaan.” Hindi lamang pisikal – sakit o kapansanan. May kahinaan din sa emosyonal, sa espiritu, sa isip. May kahinaan sa ugali o pagkatao. Anumang hadlang sa paglago bilang mga tao at mga Kristiyano ay kahinaan din.  Ano ang iyong tanging kahinaan?



Ang mga apostol din ay nakaranas ng kahinaan. Matapos ang kamatayan sa krus ng Panginoon, dumaan sila sa kalungkutan at paninimdim. Natakot sila sa husga ng iba. Napahiya sila sa mundo. Kahit matapos ang Pagkabuhay ni Hesus, nanghina sila at nawalan ng lakas na harapin ang kinabukasan hindi nila alam.



Ipinadala ng Ama at ng Anak ang Espiritu Santo upang hawakan ang mga apostol kung saan sila lubhan nasasaktan, nanghihina, natatakot, nanlulupaypay. At lumabas sila sa kanilang lungga, at ngayon, puno ng buhay at sabik magbahagi!



Tinanggap natin ang Espiritu Santo sa mga sakramento. Pero dumarating siyang muli upang tulungan tayo sa ating “kahinaan.” Tayo rin ay may mga takot, duda, tanong, mga gusto at pagsubok ngayon. Maraming balakid sa ating pagtakbo sa buhay o paglipag paitaas tungo sa mga pangarap.



Sinasabi ng Panginoong Hesus ngayon na ang Espiritu Santo ang katuwang natin at gagawin niya ang dalawang bagay: tuturuan niya tayo at paaalalahanan niya tayo.



O Espiritu Santo, turuan mo akong isuko sa iyo ang aking buhay. Turuan mo po akong magtiwala sa Diyos sa gitna ng aking kahinaan. Turuan mo po aking lumakas at tumapang. Akayin po ninyo akong umasa sa iyo bilang aking lakas at tanggulan. Ikaw ang aking pag-asa at galak!



O Espiritu Santo, paalalahanan po ninyo ako dahil ako ay makakalimutin. Bumabalik ako sa dating gawi, sa dating mga kasalanan at pagkakamali. Nalilimutan kong ako ay mahal mo. Mahal na Espiritu Santo, ipaalala mo po sa akin na laging sa Diyos tumitig, at damhin ang kanyang pag-ibig, yakap, kalinga. Ang Diyos ay nasasa akin, dahil ako ay templo ng Espiritu Santo.



Espiritu Santo, katuwang sa aking kahinaan, halina!


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more