ANG KAPISTAHAN NG PAGBABAGONG-ANYO NG PANGINOON/ IKA-18 LINGGO

-
-->
ANG KAGANDAHAN AY NASA LOOB



Sobrang itinaas na ng media ang pamantayan ng kagandahan na halos hindi na maabot! Hindi ba sa tv pa lang sinasabi na sa ating maghangad ng malasutlang balat, maputing kulay, matambok na masel, at makinang na ngipin? Hindi ba tayo nananaginip na tumira sa bahay na kumportable at ubod ng gara? Pati ang mga master chef ngayon ay nagsasabing hindi lang dapat masarap ang pagkain kundi dapat maganda rin sa mata.



Wala namang masama na asamin o hangaan ang kagandahan. Kaya lang, ang sobrang pagnanasa dito ang ugat ng kabiguan, kalungkutan, at kapanglawan ng marami. Ilan ang naghihimutok na hindi maganda ang figure o abs nila, hindi mala-palasyo ang bahay, at hindi kayang kumain sa pinakabago at sikat na restawran?



Inihahayag ng Panginoong Hesus ang tunay at maningning na kagandahan, sa Mabuting Balita ngayon(Mt 17). Nang magbagong-anyo ang Panginoon, pati ang Ama sa langit ay napasigaw: Ito ang aking minamahal na Anak! Si Moises at Elias ay bumangon sa pananahimik sa langit. At ang mga alagad ay nabighani at tila ayaw nang bumaba mula sa bundok. Ito ang kagandahan ng Diyos – ang kagandahan ni Hesus ng Nazaret.



Pero maaari nating itanong: ano ang maganda sa isang karpinterong naging mangangaral? Ano ang kaakit-akit sa taong walang ari-arian, walang tirahan, walang makainan kundi libreng handaan? Sa pamantayan ng mundo, si Hesus ng Nazaret ay hindi puwedeng modelo ng kagandahan. Ang mundo ay nakakakita lamang ng nasa ibabaw at hirap itong maghukay nang mas malalim pa.



Ang Diyos ang nakakakilatis ng tunay na kagandahan, ng walang kupas na kagandahan, ng panloob na kagandahan. Para sa Diyos, ang tunay na halaga ng isang tao ay hindi sa damit, sa itsura, sa bahay, o sa pagkain. Ang kagandahan, para sa Diyos, ay iyong nasa puso, ang kabutihan at kabaitang dumadaloy dito. Ang panloob na kagandahan ni Hesus ay nakikilala lamang ng mga simpleng walang hilig sa panlabas na anyo, ng mga taong laging nagtatanong kung ano ba ang nasa likod ng tabing o takip ng mga bagay o mga tao.



Ano ang pamantayan mo ng maganda? Mahalaga ba sa iyo ang panlabas lamang o mas habol mo ang panloob na halaga ng mga bagay? Naniniwala ka ba na kaaya-aya ka kahit hindi ka perpekto? Kaya mo bang makita ang kagandahan ng Diyos sa kalooban mo?


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more