IKA-22 LINGGO NG KARANIWANG PANAHON A

-

PABAYAAN LANG


Nagku-kuwento ang kaibigan ko tungkol sa darating na kasal ng kanyang panganay na anak na babae. Tinanong ko siya kung saan maninirahan ang mga bagong kasal. Agad sinabi niyang halos malapit lang sa kanila ang condominium. At dahil dito, sinabi niya sa magiging mag-asawa na doon na sa kanyang bahay sila dapat uuwi para kumain, makilaba at mangolekta ng mga supply na kailangan nila sa condominium. Ipadadala din daw niya ang kanyang kasambahay para maglinis para sa bagong kasal. Naramdaman ko tuloy na ayaw pabayaang mag-isa ng kaibigan ko ang anak niyang handa nang tumayo sa sariling paa.


Bakit nga ba mahirap pabayaang lumayo ang isang tao? Siyempre, sasabihin nating dahil mahal natin ang tao kaya mahirap pakawalan ito. Dahil masaya tayo kapag kasama natin siya, masakit sa loob kapag makikita nating lalayo sila at mahihirapan sa mga hamon ng buhay. Minsan din, ayaw nating makitang lumayo ang mga tao dahil sa ating pansariling pakinabang. Paano kapag hindi na natin sila kontrolado? Baka mawalan tayo ng importansya sa kanilang buhay.


Naranasan ni Pedro ang sakit na pabayaang mawala ang Panginoong Hesus nang magsimula itong magturo tungkol sa kanyang nalalapit na kamatayan sa krus: Huwag naman Panginoon! Hindi ko hahayaang mangyari iyan sa inyo! (Mt. 16). Mahal talaga ni Pedro ang kanyang Panginoon kaya ayaw niyang makita itong dumanas ng pagpapakasakit. Subalit totoo din kaya na umalma si Pedro dahil alam niyang kapag hinayaan niyang si Hesus na mawala sa kanya, mawawala na itong tuluyan sa kanyang tabi. Sino pa ang magbibigay sa kanya ng lugod, ng inspirasyon, ng ligaya? Magiging bahagi si Hesus ng ibang tao, ibang mundo. Paano na si Pedro? Lalong mabubunyag ang kanyang kahinaan at mga sugat.


Ipinaliwanag ng Panginoong Hesus na kung walang daan ng krus, hindi mararating ang landas ng kaluwalhatian. At hindi lamang siya ang dapat dumaan sa matinik na daan. Lahat ng alagad niya ay dapat ding hayaan ang sarili na mawalay sa luho at ginhawa, upang lalong magkaroon ng tunay na buhay.


May mga tao bang ayaw nating mawala sa atin? May mahal sa buhay ba na ang hirap tanggaping aalis o mag-iibang bansa? May kapamilya o kaibigan bang maysakit na ngayon ay tila malapit nang mauna sa atin? Anu-ano ang mga bagay sa ating buhay na hindi natin mabitiwan dahil baka lalong mabunyag ang ating kahinaan, pagiging sugatan at walang sandigan?


Manalangin tayo sa Diyos para sa biyaya na magpabaya at tumanggap ng buhay!

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more