GOOD FRIDAY: Virus ng Pagmamatigas ng Puso

-


PAGBASA: Jn 18; 1-19; 42





Marami tayong naranasan sa taong ito na hindi natin kailanman inasahan. Ang pagsabog ng bulkan. Ang paglaganap ng corona virus sa buong mundo. Ang mga pagkawasak sa paligid. Ang pagtigil ng mundong ating ginagalawan. Lahat iyan ay walang katulad sa naganap noong unang Biyernes Santo – ang pagkamatay ng Diyos! Ang Diyos na bukal ng buhay ay namatay sa krus. Walang paliwanag maliban sa walang hanggang pagmamahal niya sa bawat isa sa atin. Isipin mo ito: May namatay na pala para sa iyo. May nag-alay na pala ng buhay para sa iyo. May umako na pala ng mga kasalanang nagawa mo sa mundong ito. May nagmahal na pala sa iyo nang sukdulan hanggang ibigay niya ang lahat, ang buo niyang sarili, para sa iyo. Maglaan ng panahon na titigan ang Krus at damahin ang pag-ibig na alay ng Diyos para sa iyo, sa katauhan ng kanyang Anak na si Hesus. Gawing kakaiba at natatangi ang araw na ito sa pamamagitan ng katahimikan at panalangin, taglay ang pasasalamat sa Diyos na handang ibigay ang lahat para sa iyo.



Panginoon, alisin mo po ang virus ng pagmamatigas ng puso sa akin. Palitan mo po ito ng pusong sanay kumilala ng dakilang pag-ibig na laging handang tumanggap, magpatawad, yumakap, dumamay at mag-alay ng buhay para sa akin.



Bagamat mahirap para sa marami na makapag-kumpisal ngayon, taos-pusong magsisi sa mga kasalanan at humingi ng tawad sa Panginoon.
 
#ourparishpriest 2020

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more