IKA-APAT NA LINGGO NG PAGKABUHAY B

-

MATAPANG, SUBALIT MAPAGMAHAL MUNA!

Jn 10: 11-18

 


 

 

Bawat linggo ng Pagkabuhay, lumalago tayo sa pagkilala, pagkaunawa at pagmamahal sa ating Panginoong Hesukristo. Noong Linggo ng Pagkabuhay, nabunyag siya bilang Matagumpay sa kamatayan. Sa ikalawang linggo naman, bilang Mahabaging Panginoon. Noong ikatlong linggo, nakilala natin siya bilang Guro na nagbibigay liwanag sa isip at puso. Ngayon naman, inaalala nating si Hesus ang ating Mabuting Pastol.

 

Hanga tayo sa katatagan ng isang pastol. Matapang niyang ipinagtatanggol ang kawan laban sa pananalasa at pagkasugat. Ang upahan, sabi sa ebanghelyo, ay siya pang unang nagtatago at tumatakbo. Pero ang mabuting pastol, hinaharap niya ang mabangis na aso o lobo. Minsan hindi lang lobo kundi mga magnanakaw pa ng tupa ang sinasagupa ang pastol. Tuloy hindi lang nasusugatan, kundi nagbubuwis pa ng buhay ang pastol. At si Hesus ay hindi kilala bilang ang Matapang na Pastol. Siya ang Mabuting Pastol, hindi dahil matapang lang siya, kundi higit sa lahat, mapagmahal at mapagmalasakit siya sa kawan, sa bawat isa sa atin.

 

Upang maunawaan, balikan natin ang naganap sa Krus. Bakit namatay ang Panginoon sa krus? Sabi ng iba dahil obligasyon nya ito o pakikipag-bargain sa Ama. Mamamatay siya sa krus upang bayaran ang utang ng mga tao sa Diyos; nang makita ng Ama ang dumanak na dugo, pinatawad niya tayong lahat sa kasalanan. Tila ang kaisipan na ito ay masyadong isip-tao. At kahit nga sa kaisipan natin tila hindi katanggap-tanggap na may amang hihingi ng kamatayan ng anak para pambayad-utang di ba?

 

Sa Mabuting Balita ngayon, sabi ni Hesus: iniaalay ko ang aking buhay… iniaalay ko ito nang kusa… nagdusa at namatay siya dahil ito ang pagpapahayag niya ng pagmamahal sa kanyang mga kapatid. Walang pumilit, maging ang Ama, maging anumang utang. Basta nagmahal siya at nagsakripisyo dahil sa pag-ibig na ito. itong pag-aalay na ito ang nakita ng Ama, tinanggap at pinahalagahan kaya pinatawad niya ang sala ng mga tao. Tila hindi si Hesus ang nagbayad ng utang sa Ama; tila ang Ama ang nagkautang sa Anak dahil sa dakilang pagmamahal at pag-aalay ng buhay.

 

Ngayon tayo ay libot ng takot, pagkabalisa, galit, pagdurusa, kawalan ng pasensya sa mga nagaganap sa mundo dahil sa pandemya. Alalahanin natin ang pagmamahal ng Mabuting Pastol at hingin sa maranasan natin ang pag-ibig niya sa ating mga puso. Kailangan din nating tularan ang Mabuting Pastol na nagpalawak at nagpakalat ng pagmamahal, hindi ng pagkabahala at pagkatakot, saanman tayo naninirahan o naghahanag-buhay. makilahok tayo sa pagbabahagi ng pag-ibig tulad ni Hesus na Panginoon natin, upang matulungan at mapalakas natin ang isa’t-isa sa gitna ng ating mga pinagdaraanan. Amen.

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more