IKA-25 LINGGO NG KARANIWANG PANAHON K

-

 


MAGING KATIWA-TIWALA

LK.16: 10-13



Ang ebanghelyo ngayon ay may natatanging aral sa atin. Itinatanghal ng Panginoon ang mabuting ugali na “mapagkakatiwalaan.” Sino ba’ng pinagtitiwalaan mo? 

 

Minsan akala natin e, ang mga tao sa paligid natin, dapat agad pagkatiwalaan. Ang mga bata, tiwala sa magulang; ang estudyante, sa titser; ang mamamayan, sa gobyerno; at tayo tiwala sa matalik na kaibigan.

 

Subalit ano ang batayan? Ano ang pamantayan bago ito ibigay? Sa ebanghelyo, may isang detalyeng binabanggit na batayan ng tiwala – ang malilit, mumunting bagay na ginagawang may tiyaga at pananagutan. Sabi ng Panginoon, kung mapagkakatiwalaan ka sa “mga maliliit na bagay,” tiyak ganun din sa malalaki. Bago tayo magtiwala sa iba, tanungin nga natin ang sarili kung maaari din tayong pagkatiwalaan kaya?

 

May mga simpleng hakbang ng mabuting pamumuhay. Narito ang pundasyon ng kultura, relihyon at tradisyon na gagabay sa ating pansarili at panlipunang pagkilos. Hindi lahat gustong marinig ito, pero ito ang subok na, ang totoo. Mahirap balewalain ang mga bagay na ito na ipinasa sa atin ng mga nauna na at makatutulong para maiwasan natin ang mundong magulo at walang saysay.

 

Sa unang pagbasa, paalala ni Amos na bawal mandaya, bawal laruin ang mga mahihirap, bawal linlangin ang kapwang umaasa sa iyo. Ang mapagkakatiwalaan ay hindi lang nabubuhay nang maayos kundi maayos din makisama sa kapwa-tao. Nakakalimutan nating ang maliliit na bagay ang makatitiyak sa ating hindi tayo papalya ng hakbang. Bilang mga Kristiyano, nariyan ang 10 Utos, ang mga aral ng Panginoong Hesus, ang gabay ng simbahan bilang mga unang kailangan sa pagsunod sa kalooban ng Panginoon.

 

May munting exercise na ginagawa sa mga bata kung saan bibigyan sila ng kendi. Maaari na nila itong kainin na ngayon, pero kung maghihintay sila ng ilang minuto, dadagdagan pa ito. Hindi lahat ng bata nakapaghihintay, hehe. Upang maging mapagkakatiwalaan, dapat may “disiplina ng puso” hindi lamang panlabas na pagsunod.  Ang may taglay nito ang may taglay din ng pagiging masinop, positibo, masikap, at matapat. Sa Sulat sa mga Ebreo, si Hesus ang Tunay na Punong Pari dahil kinilala siya ng Ama bilang karapat-dapat pagtiwalaan.

 

Sa pagtingin natin sa ating mga salita at gawa araw-araw, masasabi ba nating dapat tayong pagtiwalaan din tulad ng ating Panginoon?

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more