DAKILANG KAPISTAHAN NG KATAWAN NI KRISTO, JUNE 22

-

ANG BANAL NA KOMUNYON

Bahagi ng karanasan ng bawat Katolikong nagsisimba ay ang pagtanggap ng Banal na Komunyon.  Kung ang pinakapuso ng pagsamba ng isang Protestante ay ang pakikinig sa pangaral ng pastor, at ang isang born-again naman ay ang praise and worship, tayong mga Katoliko ay naghihintay naman sa Komunyon.  Ano ba ang kahulugan ng Komunyon?  Bakit lumalapit tayo upang tanggapin ang ostiya, isang simpleng puting tinapay na wala namang lasa?  Ano ba talaga ito para sa atin? 

Sa ating Mabuting Balita, sinasabi ng Panginoon:  Ako ang Tinapay na nagmula sa langit.   Ang sinumang kumain ng tinapay na ito ay magkakaroon ng buhay na walang hanggan.  Sa ating pananampalataya, sa panahon ng Consecration, ang Espiritu Santo ay bumababa sa ating altar upang ang tinapay at alak ay gawing Katawan at Dugo ni Kristo. Sa panlabas ay tinapay at alak subalit ang katotohanan nito – iyan ang Panginoon.  Nakabatay sa Salita ng Diyos, inuulit ng pari ang pag-aalay ni Hesus:  Ito ang aking Katawan…ito ang Kalis ng aking Dugo.

Kapag tinanggap natin ang Katawan ni Kristo, nagkakaroon tayo ng isang malalim na ugnayan sa kanya.  Kaya tinatawag na Komunyon – mula sa salitang Union,  pakikipagkaisa.  Nakakaisa natin si Hesus sa ating puso at tayo naman ay naging kaisa ng kanyang buhay.  Sa ibang bansa, kapwa Tinapay at Alak ang tinatanggap. Subalit kahit Tinapay lamang, ito ay tanda pa rin ng Buong Katawan ng Panginoon.

Ganito kahalaga ang Komunyon para sa isang Katoliko.  Kaya nga, nakaluhod tayo sa bahagi ng Konsekrasyon.  Kaya nga nagpapakita tayo ng paggalang bago tumanggap ng Komunyon.  Sa pagpasok natin sa simbahan, lumuluhod tayo bilang pagsamba at pagbati sa Banal na Tinapay – ang Katawan ni Kristo sa tabernakulo. Kaya din, hindi tayo lumalapit kung alam nating may kasalanang mortal na hindi pa natin naikukumpisal.  Dahil ang kaharap natin sa Komunyon ay mismong ang Panginoon natin at Diyos.

Subalit ang Komunyon ay hindi lamang natatapos sa pagtanggap ng Katawan ni Kristo.  Dahil pagkatapos nating tanggapin ang Panginoon, tayo ay nagiging bahagi ng kanyang buhay.  We become what we eat.  Ikaw ay nagiging tulad ng iyong paboritong pagkain.  Kung buong puso mong tinatanggap ang Katawan ni Kristo, ikaw ay nagiging buhay na Katawan ni Kristo para sa iyong kapwa. 

Ang Komunyon ay hindi lamang pagkain ng isang munting tinapay.  Ito ay hudyat ng isang misyon sa simbahan.  Dapat mo ngayong patunayan na ikaw ay tumanggap kay Kristo, na ikaw ay naging bahagi ng Katawan ni Kristo.  Dito maraming bumabagsak na Kristiyano dahil bagamat tumatanggap ng Komunyon, wala namang nagaganap na pagbabago sa puso. 

Sa kapistahang ito ng Corpus Christi, sariwain natin ang kahulugan ng ating ginagawa linggu-linggo.  Tanggapin natin ang Panginoon nang buong puso at tanggapin natin ang ating misyon na maging tulad niya sa ating pakikitungo sa kapwa.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more