IKA-28 LINGGO SA KARANIWANG PANAHON A

-

ANG DIYOS NA MAHILIG SA PIGING

May iba sa atin na mahilig sa party at kung ganun ka, dapat malaman mo: ang Diyos mahilig din sa piging, sa party, sa handaan. Ang ebanghelyo ngayon ay nagsasaad ng isang reception sa kasal, isang party kung saan maraming tao ang inanyayahan. Sa Bibliya, laging may party, kainan at handaan na sagisag ng Kaharian ng Diyos.

Ang Panginoong Hesus ay mahiligin din sa ganitong pagtitipon.  Palagi siya sa handaan, kumakain at umiinom kasama ng mga taong nagsasaya. Dala niya dito ang kanyang mga kaibigan. Dito niya ipinakikita na ang Diyos Ama ay nagnanais na isama ang lahat at maglibang ang lahat sa party sa kanyang harapan.

Bilang mga anak ng Diyos, tayong lahat ay may paanyaya para sa Kaharian niya. Imbitado tayo na damahin ang kabutihan ng Panginoon. Hindi nakapagtataka na noong itatag ng Panginoon ang kanyang Simbahan sa lupa, ang sentro nito ay isang piging o party – ang piging na tinatawag nating Eukaristiya o Banal na Misa. Sa Misa, naroon ang lahat ng sangkap ng party – awitan, usapan, batian, kainan, pagtanggap at pamamaalam. Subalit ang Misa ay hindi ordinaryong party lamang. Ito ay patikim na ng Kaharian ng Diyos dahil ang ating pagkain dito ay ang Katawan at Dugo ng Panginoon.

Ang Misa ay hindi ordinaryong pagdiriwang lamang. Ito ang pinaka-makapangyarihang karanasan ng ugnayan natin sa Diyos. Nararamdaman natin ito dahil alam natin hindi kumpleto ang linggo kapag walang Misa.  Nararamdaman natin ito kung nagsisikap tayong gawing makabuluhan ang ating pagdalo kahit maraming tukso sa paligid. Damang-dama natin ito sa tuwing napupuno tayo ng inspirasyon dahil sa mga bagay na ating natutunan sa Misa.  Mahirap ipagsa walang bahala ang Misa kapag alam natin ang tunay nitong kahulugan.

Pero may mga dapat tayong unawain at bigyang-pansin. Maraming tao, kahit Katoliko sila, ay walang pagpapahalaga sa party ng Panginoon.  Tulad sa ebanghelyo, sila ay abala sa maraming bagay na talaga namang dapat pahalagahan. Pero, mas mahalaga nga ba ang mga bagay na ito kaysa paanyaya ng Diyos na makisalo sa kanya?

Tayo namang dumadalo sa Misa, tandaan natin na malaki ang kaibahan ng  basta-basta dumadalo at ang dumadalo na may karapat-dapat na puso. Dapat maging sanhi ng pagbabalik-loob natin sa Diyos at sa kapwa ang ating Misa.  Ang Misa ay hindi lamang party na pagkatapos ay nagdudulot ng sakit ng ulo o hang-over. Ito ay piging na ang dulot ay pagbabago ng puso, buhay at landas.

Paano ka ba dumadalo sa Misa, ang piging, ang party ng Panginoon?
Halina’t dumalo sa piging ng Panginoon na may pusong bukas upang siya’y tanggapin at mahalin.

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more