IKA-11 LINGGO NG KARANIWANG PANAHON B

-


TIWALA PA MORE!





Nais ng boss ng isang opisina na laging nakabukas ang pinto ng kanyang office para masilip niya ang ginagawa ng mga tauhan, marinig ang kanilang pag-uusap, at makialam sa kanilang ginagawa. Nang lumaon, nag-ingat ang mga tauhan sa kanya at tuluyang nawalan ng tiwala dahil sa kanyang ugaling mapamigil at mapag-kontrol.



Ang pagiging mapamigil o mapag-kontrol ay laging malaking tukso sa buhay. Dahil nais nating maramdamang nasa kamay natin ang lahat, nagpapakita tayo ng ugali na susunod ang iba sa atin, gagawin nila kung ano ang pasya nating tama, o kikilos sila sa direksyong itinututo natin. Habang panatag tayo dahil kontrolado natin ang situwasyon, nawawala din naman ang ating panloob na kapayapaan, kumpiyansa sa kapwa, at pananalig sa surpresang darating. Ang mga mapag-kontrol o mga manipulador ay laging hindi panatag at lalong hindi sila nakalilikha ng kagalakan at pagkukusang-loob sa kanilang kapwa.



Inilalarawan ng Panginoong Hesus sa mabuting balita ang pagyabong ng Kaharian ng Diyos. Ipinapakita din niya ang ugaling magdadala sa ating upang makasumpong sa presensya at impluwensya ng Ama sa ating buhay. Para kay Hesus, upang maranasan ang Kaharian, dapat matuto tayo ng tiwala sa Diyos at sa kapwa.



Masdan natin ang magsasaka pagkatapos maghasik ng binhi. Natutulog siyang mahimbing. Gumigising namang puno ng pag-asa. Nagawa na niya kasi ang dapat niyang gawin. Panahon na upang ang kalikasan naman ang siyang magpausbong ng binhi at magpayabong ng ani. Masdan din ang puno ng mustasa. Kapag pinabayaang mag-isa, ang binhi ay nagiging puno na may malalaking sanga para sa mga ibon at ibang mga hayop.



Marami tiyak ang aatakehin sa puso kapag nawala ang pera o ari-arian. Hirap naman ang iba na isuko ang titulo, dangal at kasikatan. Meron namang takot ibahagi ang kapangyarihan at awtoridad sa iba. Gagawin nila lahat para maging segurado ang kanilang ngayon at kinabukasan. Kung kailangan din, hindi sila magdadalawang-isip na makialam na parang Diyos sa buhay ng kapwa.



Paanyaya sa atin ng Panginoon na maging mapagtiwalang lubos, hindi mapamigil o mapag-kontrol. Malalasap lang natin ang Kaharian ng Diyos kung handa tayong ibigay ang ating kamay at akayin sa magandang plano niya sa ating buhay. Sa pagtitiwala, mababawasan kundi man mawawalang lubos ang hilig nating maging mapag-kontrol ng ating situwasyon at pati na ng buhay ng kapwa. Sa pagtitiwala, mas magigi tayong payapa at masayahin sa ating mga ugnayan.



Sobrang umaasa ka ba sa iyong lakas at  kapangyarihan? Nagugulo ka ba kapag hindi umaayon at sumusunod sa iyo lahat ng tao sa paligid mo?

Kalagan nang konti ang sarili at magpaubaya sa kamay ng tunay na nakakaalam ng lalong mabuti para sa lahat. Ganito kapag natagpuan ng isang tao ang Kaharian ng Diyos.



Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more