SAINTS OF JANUARY: SAN JUAN NEUMANN

-

ENERO 5



SAN JUAN NEUMANN, OBISPO

A. KUWENTO NG BUHAY

Tulad ni Santa Elisabet Ann Seton, ang santong si San Juan Neumann ay maringal na ipinagdiriwang din sa United States, dahil siya ay doon nag-alay ng kanyang buhay bilang pari at bilang obispo. Isa siyang US citizen tulad ni Santa Elisabet Ann.

Ipinanganak noong 1811 si San Juan Neumann sa dating Bohemia (ngayon ay Czech Republic).  Pangarap talaga niyang makarating sa America at maging pari doon.  Nang dumating siya sa bansang iyon, na-ordenahan nga siya bilang isang pari at pagkatapos ay naging bahagi ng religious congregation na tinatawag na Redemptorists.  Ipinadala siya sa ibat-ibang lungsod upang maglingkod bilang pari. Siya ang unang Redemptorist na gumanap ng kanyang pamamanata (religious profession) sa United States.

Sa Pilipinas, ang mga Redemptorists ay nasa maraming lugar pero mas kilala sila bilang mga pari at brothers na tagapangasiwa ng Baclaran Church. Isa sa mga debosyon na itinataguyod ng mga Redemptorists ay ang debosyon sa Mother of Perpetual Help.

Naging obispo si San Juan at masigla niyang itinatag ang maraming mga parochial schools at mga parokya para sa mga imigranteng mula sa Europa na nakarating sa America. Kaya nga noong dati, sa America ay karaniwang maririnig na ang isang parokya ay “German parish,” “Italian Parish,” o “Irish Parish.”  Ibig sabihin nito, ang parokya ay ispesyal na itinatag upang mangalaga sa mga nationalities na nabanggit at ang karamihan sa mga tao sa parokyang iyon ay mga katutubo ng mga bansang nabanggit. 

Matalino at masipag si San Juan.  Sa katunayan, matatas siya sa 12 wika na kanyang pinag-aralan at mabilis na natutunan. Sumulat siya ng mga libro sa katesismo, at ng Bible History para sa mga estudyante ng parochial schools. Mahal ni San Juan Neumann ang mga bata, ang mga madre at ang mga imigrante.  Pero kilala din siya sa pagmamahal niya sa mga American Indians. Nagkaroon ng kaugnayan si San Juan Neumann sa buhay ni Santa Elisabet Ann Seton.

Pumanaw si San Juan Neumann noong 1860 at naging santo noong 1977. Siya ng unang obispo mula sa United States of America na naging isang santo.


B. HAMON SA BUHAY

Maraming nangangarap ngayon na mangibang-bansa dahil sa kagustuhang yumaman o umunlad.  Si San Juan Neumann ay nangarap mag-abroad para maglingkod sa Diyos at sa mga nangangailangan ng kanyang tulong. Ipagdasal natin ang ating mga kababayang imigrante sa ibang bansa upang kasama ng kanilang pag-unlad sa buhay ay maging mga lingkod din sila ng Panginoon sa mga bansang kinalalagyan nila ngayon.

Ngayong Bagong Taon, si San Juan nawa ang gumabay sa ating upang maging buhay na ala-ala tayo ng Diyos sa mga kapus-palad.


K. KATAGA NG BUHAY

Mt. 19:29
At ang mag-iwan ng nga tahanan, mga kapatid, ama at ina, mga anak o mga bukid alang-alang sa ngalan ko, tatanggap siya ng sandaang beses at makakamit ang buhay na walang hanggan.
 
 (from: Isang Sulyap sa mga Santo, by Fr. RMarcos)

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more