IKATLONG LINGGO NG KARANIWANG PANAHON K

-

 


ANG MAKILALA AT IPAHAYAG SI HESUS

LK 1; 1-4, 4:14-21

 

photo: fr tam nguyen

 

 

Isang dukhang babae na ulirang asawa sa isang magsasaka at ina sa kanilang mga anak ang biglang dinapuan ng sakit na kanser ng sinus at unti-unting kinain ng kanser ang kanyang mukha. Kulang sa pera para sa gamot at konsulta, lumala ang kalagayan ng babae at naigupo siya ng karamdaman hanggang maratay na lamang.

 

Isang grupo ng mga madre ang nakaalam ng situwasyon. Dinalaw nila ang babae at ipinagdasal. Tinulungan nila ng anumang kanilang makakayang dalhin na pangangailangan ng maysakit. Higit sa lahat ay dinala nila sa babae at mag-anak nito ang mensahe ng Mabuting Balita ni Hesus na mahabagin at butihing Diyos.

 

Matapos ang Kapaskuhan at ang Pista ng Santo Niño, pumapasok na tayo sa karaniwang panahon sa piling ni San Lukas bilang ating gabay. Kakaiba ang Mabuting Balita ayon kay Lukas dahil ibang larawan ng Panginoong Hesus ang dala nito. Larawan na taong-tao, mahabagin, maawain, malapit sa mga naghihirap, tumutulong sa salat, at yumayakap sa mga itiniwalag ng lipunan.

 

Inilalarawan ng Mabuting Balita ang Panginoong Hesus sa tulong ng pananalita ni propeta Isaias bilang puspos ng Espiritu Santo, kaulayaw ng Espiritu ng Diyos, kung kaya’t umaapaw sa kapangyarihan. Subalit ang kapangyarihang ito ay hindi upang lumupig o manupil ng kapwa. Sa halip, ito ay kapangyarihang magpalaya ng mga dukha, ng mga napipiit, mga bulag at mga inaapi. Narito si Hesus upang magpahayag ng isang jubilee: isang taon ng biyaya, bukal ng kagalakan, panahon ng kalayaan mula sa kasalanan at katigasan ng puso.

 

Lahat tayo ay inaanyayahang kilalanin mabuti si Hesus. Kapag nagawa natin ito, mabubuksan natin ang ating puso sa kanya, masusundan ang yapak niya, at maiaalay ang buong buhay sa kanya. Ang pakikipagkaibigang ito kay Hesus ay hindi pansarili – ako at ikaw – kundi dala nito ang misyon na magpatuloy na kanyang simulain. Ang tunay na tagasunod at kaibigan ni Hesus ay nagpapahayag din ng kanyang pag-ibig sa pamamagitan ng salita at gawa.

 

Paano ba makilalang lubos ang Panginoon? Simula natin sa paraang itinuro niya sa Mabuting Balita ngayon. Binasa niya ang Kasulatan. Subukan mo kayang basahing muli ang Bible, isang kabanata araw-araw sa gitna ng busy mong buhay. O kaya sundan ang isang Bible reading plan sa internet. O makinig sa isang podcast ukol sa Bible. Nawa ang taong ito kasama si San Lukas ay magpa-igting ng kaalaman at pagmamahal natin sa Panginoon at dahil dito ay ipagsigawan natin ang kanyang Mabuting Balita sa pamamagitan ng ating buhay, tulad ng isinaad ni Blessed Charles de Foucauld.

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more