IKA-25 LINGGO NG KARANIWANG PANAHON B

-


SA YAPAK NG MABABANG-LOOB







Hindi ba’t minsan tayong natutukso na idolohin ang mga unang alagad ng Panginoong Hesus dahil sa kanilang bukas-palad na pagsunod sa kanya, sa pag-unawa sa kahulugan ng kanilang pasya, at sa kanilang pagtatalaga ng buhay sa landas ng Panginoon? Mag-isip-isip ulit!



Nagbibigay ang mabuting balita ngayon ng malinaw na larawan ng masalimuot na paglalakbay ng mga alagad tungo sa pagiging tunay at matapat na tagasunod. Habang nagtuturo si Hesus tungkol sa kanyang pagpapakasakit at krus, wala isa mang nakaintindi sa kanya. Wala ding isa man, na nangahas magtanong at maglinaw sa kanilang kalituhan. At idagdag pang habang tinuturuan sila ng Panginoon ukol sa kababaang-loob, siya namang nagtalo-talo sila kung sino ang magkakaroon ng mas mataas na posisyon!



Salamat sa pagkabanayad at pagtitimpi ni Hesus sa kanyang mga kaibigan, sa halip kagalitan sila sa mabagal na pang-unawa, inakay niya sila, sa tulong ng paglalahad, na sundan siya sa landas ng pagpapakumbaba. “Kung sino man ang nagnanais maging una, dapat siyang maging huli sa lahat at lingkod ng lahat.” Ano ba ang kahulugan nito para sa atin?



Maging sa mga Kristiyano ngayon, ang kababaang-loob ay hindi na uso. Maraming mga lamat ng pagkatao ngayon – may mababa ang tingin sa sarili, may mas nakikiling sa depresyon, may mga dalang-dala na sa mga trahedyang pinagdaanan sa buhay. Upang makalaya sa mga ito, ang ipinagpipilitan ngayon ay magtuon ng pansin sa interes at pagpapahalaga sa sarili, at sa kaganapan at pagpaparangal sa sarili. Nauunawaan ni Hesus ang pangangailangan ng bawat isa na magkaroon ng matibay na basehan ng sarili at ng paghilom ng mga sugat laban sa kahalagahan at paniniwala sa sarili. Ang pagiging mababang-loob ay hindi pagtapak sa mas masiglang pagtantya ng pagkatao.



Ang tunay na kababaang-loob ay may dalawang sangkap: una, ang kaalaman ng malaking potensyal natin bilang mga nilalang na kawangis ng Diyos na ating Ama, at ikalawa, ang pagkamulat sa maraming hadlang sa pagbibigay kaganapan sa potensyal na ito. Tayo’y pinagpala; tayo’y tumanggap ng mga kaloob. Subalit dapat amining hindi natin lubos na matanggap ang pag-ibig ng Diyos nang malaya at may galak. Dahil dito, kailangan natin ang tulong ng Diyos at ang suporta ng bawat isang kapatid sa pananampalataya.



Kung alam nating pinagpala tayo at nagagawa natin lahat ng mabuti dahil sa Panginoon, hindi ba mas dapat magpasalamat kaysa magmayabang? Kung tiyak tayong nakasalalay tayo sa isa’t-isa sa buhay na ito, hindi ba dapat higit na magtiwala kaysa magmataas?



Panginoong Hesus, gabayan mo po ako ng iyong salita at halimbawa, na “maging huli sa lahat at lingkod ng lahat.” Amen.


Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more