LINGGO NG PALASPAS, K

-


TOTOO BA SIYANG MAKAPANGYARIHAN?






Isang video ang nagpakita ng komprontasyon ng mga anti-abortion protesters at ng abortion doctor. Sabi ng isang protester, kailangan daw ng doktor na makilala si Hesus upang mapatawad at maligtas. Mariing sumigaw ang doktor na naniniwala siya sa Diyos pero si Hesus “ay patay na! 2,000 taon nang patay iyan!” Nakakagulat na walang naisagot ang protester dito.



Bakit kasi kailangang pang mamatay ng Panginoon? Misteryo ang kamatayan ni Hesus sa ating lahat, kahit sa pinakamasugid na Kristiyano. Ang kamatayan niya ay kaganapan ng kasaysayan. Kung bakit dapat pa siyang mamatay ay patuloy na dahilan upang pagdudahan ang kanyang kapangyarihan at upang itanggi ang kanyang pagka-Diyos. Ngayong Linggo ng Palaspas haharap tayong muli sa isang namamatay na Diyos, isang nagdurugong Manunubos, nakabayubay sa krus. Sa harap niya, minsan pati ang ating pananampalatay ay nanghihina.



Sabi ng mga matatalino mula pa noon na ang Diyos ay makapangyarihan, buo, di nagbabago, di natitinag. Maraming naghahanap pa rin ng ganitong mga katangian ng Diyos ngayon. Para sa kanila (lalo na sa ating president), ang krus ay insulto sa Diyos, isang kontradiksyon na hindi kailangan at hindi maintindihan. Ganoon nga ba?



Ang krus ni Hesus ay isang kontradiksyon – hindi sa bahagi ng Diyos kundi sa bahagi natin. Limitado ang utak natin pagdating sa Diyos. Sabi ni San Agustin, kaya nating maunawaan ang “kaunti” tungkol sa Diyos pero hindi ang “lahat” tungkol sa Diyos. Dahil kung ganun, hindi na siya Diyos; tayo na ang diyos ng mundong ito!



Tulad ng mga pilosoper, kalimitan nating iniisip na ang Diyos ay dapat perpekto, di natitinag, walang emosyon. Isang Diyos na tila isang tipak ng malaking bato na walang kaugnayan sa paligid nito. Subalit kung babasahin natin ang Bibliya, ang Diyos doon ay nakadadama, nagmamahal, nagagalit, nagbabago ng pasya – malayo sa ideya ng mga pilosoper at pantas.



Ang pagiging perpekto ng Diyos ay walang hanggan at hindi malilimitahan ng ating kaisipan; hindi sa hindi siya kumikilos kundi nasa kanya ang lahat ng kilos; hindi siya walang pakiramdam kundi lampas pa siya sa ating mga damdamin. Totoo na hindi siya nagmamahal “tulad” natin kasi nagmamahal siya “labis pa” sa ginagawa natin. Sa paraang hindi natin malirip ganun siya magmahal – sa mga makasalanang tulad nating lahat! Nagmamahal siya hanggang sa kamatayan, hanggang sa kadulu-duluhan, hanggang sa krus at hukay!



Ang natatagong buhay ng Diyos ay ibinunyag ng pagkatao ni Hesus. Bilang tao, naghirap siya, nagmahal, nagpagaling ng maysakit, nagpatawad ng kasalanan. Nilinlang siya ng mga nakapalibot at itinatwa ng pinagkakatiwalaan. Ganito ang tunay na Diyos, sa mismong buhay at karanasan ng kanyang Anak na si Hesus.



Malaking hamon ang mga Mahal na Araw sa ating kaisipan sa Diyos. Magkaroon nawa tayo ng mas malalim at mas mayaman, hindi mas mababaw at mas salat, ng Diyos na Nakapako at Namamatay sa ating paglalakbay kasama niya sa pagpapakasakit at kamatayan. Mapuno nawa tayo ng papuri at pagsamba habang sinasalubong natin ang kanyang Muling Pagkabuhay. Ang huli para kay Hesus ay hindi pagkawasak kundi tagumpay sa kasalanan at kamatayan.
-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more