IKA-ANIM NA LINGGO NG KARANIWANG PANAHON K

-

 


ANG LANDAS NG MAPALAD

photo: fr tam nguyen

Isang propesyunal ang nagkaroon ng lihim na pagnanasang maging misyonero. Nang ibahagi niya ito sa kanyang bunsong kapatid, napatulala ito at tinanong siya: “Pero, kuya, bakit mo gustong maging mahirap?” Magandang katanungan. Sino nga ba ang nais maging mahirap, gutom, nagdadalamhati? Sino ang may nais na maging puwera, o pagtawanan ng iba?

 

Sa mabuting balita ngayon, ang Panginoong Hesus lamang ang tanging nagpapakilala sa atin ng sarili bilang dukha, gutom, nagdurusa, at itinakwil. Hindi lamang niya itinuturo ang landas ng pagiging mapalad. Siya mismo ang larawan ng Taong Mapalad. Para makilala si Hesus dapat masdan siya sa salamin ng kanyang mga aral sa mabuting balita ngayon.

 

Minamahal na Anak ng Diyos, pero hindi maluho. Hari ng sanlibutan pero walang ginhawa. Panginoon at Tagapagligtas pero salat sa materyal o pinansyal na yaman. Pinili ni Hesus na maging kapiling ng mga nagdurusa at lumuluha. Pati ang sariling buhay niya ay nagwakas sa pagtalikod ng mga kaibigan at sa pagkondena ng mga kaaway. Habang pahapyaw niyang inilalarawan kung sino siya sa tulong ng mga “Beatitudes,” gayundin naman, tahasan niya tayong inaanyayahan na sundin ang kanyang mga yapak.

 

May mga tao ngayon na nakakatuklas ng mga gintong aral na ito ng Panginoon, kahit hindi sa larangan ng relihyon kundi sa larangan ng pagkamakatao at pakikipag-kapwa tao. Marami na ang nagsasabuhay ng “minimalism” – simpleng buhay na umiiwas sa aksaya ng mga bagay. Mula nang pandemya, naging sensitibo ang mga tao sa gutom, hindi lamang ng sariling sikmura, kundi ng kanila ding kapwa. Merong mga naging mas maaalalahanin at mapagkalinga sa mga dumaranas ng karahasan at mga trahedya. At sa gitna ng mga gobyernong kurakot at korap, maraming tao ang nagigising upang labanan ang kasinungalingan, manipulasyon, at kataksilan sa taong bayan.

 

Maaaring ang mga kilos na ito ay hindi tahasang sagot sa mabuting balita, subalit malapit naman ito sa paanyaya ng Panginoon na masdan ang mundo at ang sarili sa ibang paraan, sa bagong paraan. May mga taong madaling maakit kay Hesus sa pamamagitan ng pagsunod sa kanyang kalooban at halimbawa. Pero maraming tao ang sadyang hindi relihyoso. At bagamat ganun sila, hindi maikakaila na ginagamit pa rin ng Diyos ang ibang paraan upang akayin ang mga taong ito tungo sa pagtupad sa kanyang hamon.

 

Ngayong linggo, muli tayong makinig kay Hesus na nagtuturo ng kanyang landas at humahamon na yakapin ang kanyang mga aral, mga pagpapahalaga, at maging ang kanyang pagkatao. Nawa ang ating bagong pakikipagtagpo sa tunay na Taong Mapalad ay maging inspirasyon na kilalanin at tularan siya dahan dahan man sa ating buhay.

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more