IKA-32 LINGGO NG KARANIWANG PANAHON K

-

 


HINDI DAPAT MAILANG SA KAMATAYAN

LK 20: 27-38

 


Matapos ang kakaibang karanasan natin sa pandemya, masasabi nating hindi na tayo ignorante sa kamatayan. Bata man o matanda ay dumanas ng lagim nito sa nabalitaan nating mga tao na sa buong mundo na naitumba ng pandemya. At lalo pang naging totoo ito nang maging kakilala o mahal sa buhay ay nadamay na nga. Kung paanong ang mga nakaligtas sa Spanish flu noon ay walang sawang nagkuwento ng kanilang karanasan, ganun din ang gagawin natin habang tayo ay nabubuhay.

 

Ang pagkatambad sa kamatayan ay nagdulot ng sindak: sa paglabas ng bahay, pakikipagtagpo sa iba, sa nadaramang simtomas at iba pa. Isang kaibigan ko ang nagka-allergy sa kagagamit ng alcohol upang huwag magkasakit. Tumaas ang ating pag-aalala sa kalusugan at kagalingan. Mas lalo nating pinahalagahan ang ating buhay sa lupa.

 

Bilang mga Kristiyano, meron ba naman tayong natutunan tungkol sa kamatayan? Para sa marami, ang kamatayan ay isang aksaya ng galing at talento. Isa itong pagkalugi ng lipunan sa pagkawala ng masisipag at malilikhaing tao. Ito ay nakatatakot na paghihiwalay ng mga nagmamahalan. Sabi nga ng aking dating spiritual director, ang kamatayan ay ang huling paalam.

 

Ngayon, binabalasa ng Panginoong Hesus ang ating pananaw. Ang kamatayan ay hindi pagtalon sa paglimot, kawalan, at pagkasayang. Ang Siyang naghihintay sa atin sa kamatayan ay ang “Diyos ng mga buhay” at sa piling niya, palagi tayong mabubuhay. Ang kamatayan ay pagbabalik sa Diyos na nagsugo sa atin sa mundo noong isilang tayo. Babalik tayo sa masaganang pahinga, galak at kapayapaan. Higit sa lahat, ang kamatayan ay hindi pagkawasak kundi lagusan tungo sa tunay at walang hanggang buhay.

 

Ang naranasan natin ay nagturo sa atin na makibaka para mabuhay. Natuto tayong umiwas sa kamatayan, at umasang hahaba ang buhay sa lupa. Subalit kalahati lang ito ng kuwento. Bilang mga Kristiyano, may mas mahalagang gampanin pa: ang manabik at mag-asam na harapin ang kamatayan balang araw. Kasi tiyak darating ang araw na babalik tayo sa tahanan ng Ama at hihimlay sa kanyang mahigpit na yakap at pagmamahal.

 

Mahirap na pagsubok ito, isang hindi madaling isantabi. Subalit pinanghahawakan natin ang mga kataga ng Panginoong Hesus. Naghahanda siya ng silid para sa atin sa langit. Kaya habang naglilibang tayo sa makamundong buhay, tumibok din nawa ang puso natin sa makalangit na tahanan. Amen.

 

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami...
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and t...
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Isra...
Read more