IKA-33 LINGGO NG KARANIWANG PANAHON K

-

 


PANALANGIN PARA SA INUUSIG

LK 21; 5-19

 


 

 

Ang pagpupunyagi (pagtitiis) ay bahagi ng bokabularyo ng pananampalataya. Dapat magpunyagi ang mga madre sa kanilang bokasyon; magpunyagi din ang mga katekista sa pagtuturo. At sa ebanghelyo, sabi ni Panginoong Hesus: sa inyong pagtitiis maililigtas ninyo ang inyong buhay. Kaya ang kahulugan pala nito ay tuloy-tuloy, walang patid, at matiyagang pagtahak sa landas at pagsunod sa kalooban ni Kristo sa gitna ng paghihirap. Ang hamon ng pagpupunyagi ay para sa ating lahat.

 

Sa ebanghelyo isang kakaibang pagpupunyagi ang isinasalarawan sa tagpo ng tinatawag na pag-uusig. Maging ngayon, maraming Kristiyano sa ibang bansa ang inuusig dahil sa kanilang paniniwala o pagsasabuhay ng pananampalataya. Ang hirap nating maunawaan ito dahil hindi ito realidad sa ating lipunan. Sa kabila ng pagkamuhi ng dating pangulo sa mga lider simbahan at lingkod simbahan na nakikibaka para sa mga mahihirap, walang naganap na laganap na pagtuligsa sa mga Katolikong lider o mananampalataya man.

 

Panatag ang ating buhay dito subalit dapat maging mulat din tayong may pag-uusig na nagaganap sa ibang lugar. Sa Nigeria, nariyan ang kidnap at murder ng mga pari, ang kidnap, rape at pang-aalipin sa mga Krisityanong batang babae. Sa Hongkong at China, ang mga Katolikong suporter ng demokrasya ay arestado, nakakulong o nililitis sa krimen daw laban sa bayan. Sa Nicaragua, kung saan kritiko ang simbahan sa korap na gobyerno, maraming simbahan ang sinira, mga obispo, pari at seminarista na binantaan ang buhay, dinakip at ikinulong. Pati ang Missionaries of Charity ni Mother Teresa na tahimik naglilingkod sa pinakamahihirap na tao doon ay ipina-deport.

 

Pinalalakas ng Panginoong Hesus ang loob ng mga inuusig dahil sa paglilingkod sa kanya. Palibot man ng panganib, wala silang dapat ikatakot dahil ang buhay nila ay nasa kamay ng Diyos. Subalit ano naman ang ating gampanin para sa kanila? Ano ang tugon natin sa paghihirap na dinaranas ng mga inuusig nating kapanalig sa pananampalataya?

 

Una, ipagdasal sila. Malaya tayong isabuhay ang ating karapatang pang-relihyon kaya dapat maalala nating ipagdasal iyong mga pinagkaitan. Ang panalangin natin ay munting pakikibahagi sa kanilang sakripisyo. Pagkatapos, magnilay tayo sa sarili natin. Nagpupunyagi ba tayo sa pagsunod sa Panginoon sa gitna ng maliliit na aberya, sigalot o problemang dumarating sa atin? O madali ba nating ikompromiso ang pananampalataya kung may nagaganap na hindi maganda?

 

Ipinapanalangin natin ang wakas ng pag-uusig sa mga Kristiyano at iba pang minoridad. Nangangako tayong susuporta at patuloy na aalala sa kanilang kalbaryo. Humihingi tayo sa Diyos ng diwa ng tapat at pagtitiis sa pagpapahalaga at pagsasabuhay ng ebanghelyo.


 

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more