LINGGO NG PALASPAS NG PAGPAPAKASAKIT NG PANGINOON

-

 

KUMAKAWAY ANG PAG-ASA

 


 

 

 

Pumapasok tayo ngayon sa espirituwal na karanasan ng isang napakalaking palaisipan sa kasaysayan – ang paghihirap at kamatayan ng ating Panginoong Hesukristo. Makulimlim ang paligid dahil madinig man o mabasa ang salaysay ng pagpapakasakit niya, tayo ay kinikilabutan. Malungkot na pangyayari, mahirap tanggapin. Maaaring magtunog na walang galang sa tainga ng mga konserbatibo, pero ngayon ang paggunita natin sa “pagkabigo” ni Hesus.

 

May misyon si Hesus sa kasaysayan. Atas ng Diyos sa kanya na tipunin ang kanyang bayan at ibalik sila mula sa relihyong panlabas tungo sa relihyon ng puso – isang karanasan ng palitan ng pagmamahalan ng Diyos at tao. Pero nabigo siya. Hindi nakinig ang lahat. Hindi rin sumunod ang lahat. Maraming hindi pumansin kundi nagnais pang patahimikin siya. Sa katunayan, pinatay nila ang tinig na tumatawag para sa kanilang pagbabago.

 

Si Hesus ang modelo natin sa pagtanggap ng kabiguan. Lahat ng tao babagsak. Lahat ng sistema ng mundo papalya. Ang mundo ay puno ng kuwento ng pagbagsak higit pa sa kuwento ng tagumpay. Nakita ito ni Hesus. Siya mismo ang nagsabing ang Israel ay tila mga kitik o sisiw na ayaw sumilong sa pakpak ng inahing manok (Lk 13:43). Siya ang nagpahayag ng kanyang sariling pagdurusa at kamatayan sa kamay ng mga pinuno (Mk 8-10).

 

Subalit para kay Hesus, ang kabiguan ng tao ay hindi huling salita. Maaaring bahagi ng buhay pero hindi siya susuko lamang dito bilang sukdulang karanasan. Sa halip, ang pagbagsak ay tulay tungo sa pag-asa. Kung hindi makikinig ang mga Hudyo, makikinig naman ang mga Hentil. Kung hindi magbabalik-loob ang Israel, lalapit naman sa Ama ang buong daigdig. Kahit ang krus man ay panandaliang paghahanda lamang sa Pagkabuhay, na siyang mas higit pa sa kamatayan! Iwinaglit ni Hesus ang kanyang buhay upang mabawi ito sa tagumpay at pagtutuwid ng Diyos.

 

Dalhin natin sa Panginoon ngayong mga Mahal na Araw ang ating personal, pampamilya, pang-negosyo, eskuwela o iba pang kabiguan. Humingi tayo ng biyayang matanggap natin kung saan tayo bumagsak at unti-unting bumangon muli. Higit sa lahat, humiling tayo ng kaloob na pag-asa na maka-aaninag sa darating na luwalhati na handog ng Diyos sa lahat ng sumasampalataya sa kanya.

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more