IKA-30 LINGGO NG KARANIWANG PANAHON B

-

 


NANG ANG BULAG ANG MAG-AKAY SA IBANG BULAG

MK 10: 46-52

 

 


 

Sa dinami-dami ng mga pinagaling ni Hesus, bihira na binabanggit sa Mabuting Balita ang kanilang pangalan. Alam lang natin na hinilom ng Panginoon ang “lalaking tuyot ang kamay,” ang “babaeng dinudugo,” ang “anak ni Jairo,” o ang “alipin ng senturyon.” Kaya pambihira na ngayon, sinabi ni San Marcos kung sino ang bulag na pinagaling ng Panginoong Hesus. Tadaaaaa…. si Bartimeo!!!

 

Bakit kaya binanggit ang pangalan ng bulag na namamalimos sa kalsada? Dahil kaya kilala ang tatay niyang si Timeo ng mga tao doon? Dahil kaya gusto ni San Marcos na sabihing hindi gawa-gawa lang ang kuwento niya? O baka naman may natatanging mensahe ang bulag na ito sa kabulagan ng mga tao sa panahong ito. Palagay ko, yung huli ang tunay na dahilan.

 

Nang madinig ni Bartimeo na dumadaan ang Panginoong Hesus, nagsisigaw siya: Hesus, Anak ni David, maawa ka sa akin! Hindi siya basta nagdasal; hindi bumulong ng taus-pusong panalangin. Sa halip, nagsisigaw siya nang malakas at tuloy nahiya ang mga tao at pilit siyang pinatahimik. Subalit nagtagumpay ang plano ng bulag; napansin siya ng Panginoon, ipinatawag siya, at hinilom siyang lubos.

 

Maaaring bulag si Bartimeo pero malinaw ang panloob niyang paningin; ang mata ng pananampalataya niya. Nakita niya kay Hesus ang tanging pag-asa. Nakita niya kay Hesus ang umaapaw na kapangyarihan. Nakita niya kay Hesus ang Diyos ng awa na lumalakad dito sa lupa. At hindi niya palalagpasin ang pakakataong ito para humingi, hindi ng abuloy, kundi ng liwanag! Nabatid ng bulag ang bukal ng liwanag at sinunggaban niya ito.

 

Ngayon, may isang mabisang panalanging mula sa mga Orthodox Christians na ang tawag ay “Jesus Prayer,” na halaw sa panalangin ng bulag. Inuulit nila ito: “Panginoong Hesukristo, Anak ng Diyos, maawa ka sa akin na isang makasalanan.”  Kilala ang dasal na ito na nagdudulot ng kapanatagan kung naliligalig; ng tulog kung balisa sa gabi; ng kalayaan mula sa tukso at batikos ng demonyo. Subukan po ninyong dasalin ito dahan-dahan at taimtim, gamit ang inyong Rosaryo. Nakakatulong din ito sa akin, base sa sarili kong karanasan.

 

Anong kadiliman kaya ang bumabalot sa buhay mo ngayon? Alinlangan sa pananampalataya? Problemang pinansyal? Karamdaman? Panlulupaypay at takot? Family problems? Tandaan mo na kung nabubulagan tayo ng mga madidilim na puwersa ng mundong ito, nakikinig naman ang Panginoong Hesus sa tawag ng sinumang sumisigaw sa kanya. Sa kadiliman, huwag mawalan ng pag-asa. Sa kadiliman, matutong sumigaw at manalig sa puso mo; Hesus, Anak ng Diyos, maawa po kayo sa akin.”

 

 

 

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more