IKA-31 LINGGO NG KARANIWANG PANAHON B

-

 


MGA SANGKAP NG PAG-IBIG

MK 12: 28b-32

 


 

 

Sa Mabuting Balita, tinatanong si Hesus ng isang eskriba kung alin ang pinakadakila, pinaka-una sa lahat ng mga utos o batas. Agad tumugon ang Panginoon: Mahalin ang Diyos nang buo mong puso, kaluluwa, isip at lakas at ang kapwa gaya ng iyong sarili. Sa lahat ng mga batas, ang dalawang ito ang “choice,” ang may pabor sa mata ni Hesus. Paano nga ba magmahal; kasi ang pagmamahal ay hindi lang kaisipan o ideya o damdamin. Sa “choice” ng Panginoon mababakas ang gabay, ang mga sangkap ng tunay na pagmamahal sa Diyos at kapwa. Kaya nga: mahalin ang Diyos nang:

 

BUONG PUSO: Hindi ba, puso nga ang simbolo ng pag-ibig? Ibig sabihin, hindi ito mababaw o panlabas, o pang-tattoo lamang; ito ay nasa kaibuturan. Ang minamahal mo ang may piling lugar sa puso. Natatangi siya doon. Ang magmahal sa Diyos nang buong puso ay ang ituring siyang walang kapantay. Ang Diyos ay hindi isa sa mga mahal natin kundi ang pinaka, ang una, ang sentro ng lahat. Hindi naman nais ng Diyos na siya lang ang mamahalin natin, pero siya ang taluktok at sukdulan ng lahat nating mahal, maging tao o bagay man!

 

BUONG KALULUWA:  Ang kaluluwa ay hindi maaaring isalarawan. Hindi kasi ito materyal na bagay e; hindi nakikita, nahahawakan, o naririnig. Nadarama ito sa kanyang kilos pero hindi mahahagilap. At ang kaluluwa ay dalisay, malinis, banayad; walang mantsa ng materyal na mundo. Kaya ang magmahal sa Diyos nang buong kaluluwa ang kahulugan ay mag-alay sa kanya kung ano ang pinakadalisay, dakila at malinis mula sa ating sarili. Iyon bang ialay sa kanya ang pinakamamahal nating kakayahan na walang iba kundi ang ating malinis na kalooban. Isinusuko natin sa Panginoon ang ating kalooban upang siya at hindi tayo ang mamayani sa mga bagay-bagay.

 

BUONG ISIP: Ang isip ang bukal ng katalinuhan. Dito nakaimbak ang kaalaman at karunungan na tumutulong upang magplano, magkalkula, magbalangkas. Ang magmahal sa Diyos nang buong isip ay ang magpasyang kilalanin siyang lubos, aralin ang kanyang Salita, saliksikin ang kanyang mga turo at lumago sa pakikipag-kaibigan sa kanya. Kahulugan din nito na gamitin ang pag-iisip upang maging kaaya-aya sa paglilingkod sa Panginoon. Mula sa isip nagmumula ang paghahangad na gawin ang anumang bagay para sa lalong kadakilaan ng Diyos.

 

BUONG LAKAS: Ang puso, kaluluwa at isip ay tumutukoy sa mataas na kakayahan ng tao. Ang mga ito ay panloob, tunay na personal at pribado. Kaya kailangang nito ng isang daluyan kung saan ang pag-ibig ay makikita, madarama, matutunghayan. Dito pumapasok ang lakas – ang lakas ng ating kamay at paa, ng ating mga “senses,” ng ating pakikipagtalastasan at pagpapahayag ng pagmamahal sa Diyos. Ito rin ang nag-uugnay sa ikalawalang batas, ang pag-ibig sa kapwa. Dahil ang kapwa ang siyang dapat na makakaranas ng pagmamahal natin sa Diyos na nakikita sa awa, paglilingkod at pagkakaisa natin sa kanila. Ang mahalin ang Diyos nang buong lakas ay mahalin ang kapwa tulad ng sarili.

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more