IKALAWANG LINGGO NG KUWARESMA K

-

 


ANG ULAP

LK 9:28-36

 


 

 

Ang tagpo ng Pagbabagong-anyo ni Hesus ay mainam na pagtatanghal ng Santissima Trinidad – Diyos Ama, Anak at Espiritu Santo, iisang Diyos sa tatlong Persona. Si Hesus, ang Anak, ang tampok sa kaganapan. Ang Ama naman ay nagsalita mula sa langit. At nasaan ang Espiritu Santo? Sabi ng ilang eksperto, ang “ulap” na bumalot sa mga alagad ang presensya ng Espiritu ng Diyos.

 

Namangha ang mga alagad sa pagbabagong-anyo ng Panginoon at nagsimulang magsalita si Pedro. Subalit nang bumaba ang ulap, natakot ang mga alagad. Bakit kaya? Ano ba ang pakiramdam na mapasaloob sa ulap? Noong bata tayo akala natin kaya nating hawakan ang ulap kung makakalipad lang tayo. At kapag nakasakay tayo ng eroplano, balak natin salukin ito at kainin na parang cotton candy.

 

Para sa mga inabutan na ng ulap sa itaas ng bundok, kakaiba ang karanasang ito. Napapaligiran ka ng malabo at puting hamog. Halos wala kang makita pero dama mo ang lamig ng hangin at tubig na dala ng ulap. Para kang nilamon ng isang magaan at nakakapagpapalakas na hamog sa umaga.

 

Sa pagbabalita ng Anghel Gabriel sa Mahal na Birhen, nandoon na ang Espiritu Santo na nagbago sa buhay ni Maria. Sa Pagbabagong-anyo ni Hesus, bumaba muli ang Espiritu sa bundok at ngayon ay sa mga alagad naman, bilang tanda na magbabago din ang kanilang buhay. Ang karanasan ni Hesus ay magiging karanasan din nila kung papayagan nila itong maganap sa kanila.

 

Si Hesus, sa panulat ni San Lukas, ay laging kaulayaw, kapiling ng Espiritu Santo. Mula paglilihi, pagbibinyag, paglilingkod, at hanggang kamatayan sa krus, naroon ang Espiritu Santo. Kahit na si Hesus ay Diyos, kailangan pa rin niyang tanggapin ang Espiritu nang paulit-ulit sa kanyang buhay. Isang halimbawa ang ibinibigay niya sa atin dito. Nag-aanyaya ang Panginoon na makatagpo din natin ang Espiritu upang magkaroon ng malalim at pangmatagalang pagbabagong-anyo din ng ating mga puso.

 

Pabayaan nating danasin na palibutan ng ulap, ng Espiritu, ng Diyos. Iwaglit ang takot na humahadlang sa ating pakikipagtagpo sa Espiritu na kumakatok sa ating puso. Ngayong Kuwaresma, hilingin natin sa Espiritu Santo na baguhin tayo upang matapos ang panalangin at sakripisyo, maging mga bago at mas malalakas na mga kapatid tayo ni Hesus. Noong nakaraang Linggo, tinawag tayong manangan sa Salita ng Diyos. Ngayong Linggo naman, inaanyayahan tayong maranasan ang Espiritu ng Panginoon.

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more