IKALIMANG LINGGO NG PAGKABUHAY K

-


MAIGSI PERO MATINDI





Matapos ang Linggo ng Pagkabuhay, ito yata ang ikalawang linggong magkasunod na maigsi lamang ang mabuting balita. Kapag mahaba ang pagbasa, tila solb tayo dyan kasi parang napapawi ang uhaw natin sa mensahe ng Panginoon na isang linggo nating pinaghandaan at hinintay. Pero pag maigsi? Tila kulang, bitin, katiting! Pero minsan, ang maigsing pagbasa ang may malakas na suntok. Hindi dahil lamang konti ang salita e konti na rin ang maiuuwing mensahe at hamon sa buhay.



Ang Juan 13: 31-35 ay nagsasaad ng "luwalhati" – isang salitang bihira nating gamitin sa karaniwang usapan, maliban sa relihyon, espiritualidad, sa Diyos. Niluwalhati daw si Hesus ng Ama. Naganap ito sa Pagkabuhay – doon siya ay itinaas, pinarangalan, inalayan ng papuri at pagsamba. Kung sa Jordan narinig – Ito ang aking minamahal na Anak – sa Pagkabuhay naman, ang malinaw na mensahe ay – Ito ang niluwalhati kong Anak!



Ang luwalhating ito ng Panginoon ay hindi madali. Tinanggap niya ito hindi dahil siya ay marunong, malikhain, o matagumpay. Tinanggap niya ito dahil sa pagyakap niya sa Krus na may pagsang-ayon at kababaang-loob, kalakip ang sakit, kahihiyan, kadiliman at kamatayan. Para sa kanya: Matapos ang Krus, Kaluwalhatian naman! Ito po ang kahulugan ng salitang “Panginoon” – ibig sabihin nito ay niluwalhati ng Ama, matapos ang pagsuko at pagtitiwala sa gitna ng krus.



Paano natin malalasap ang luwalhating ito? Ang Panginoon din nagbigay ng pormula, ang kanyang bagong utos: magmahalan kayo. Maigsi din ha, pero tila hindi madali, di ba?



Kung ang krus ni Hesus ay isang malaking bloke ng kahoy, ang krus natin ay ang hamon na magmahal. Maraming hirap madama ang luwalhati dahil hirap magmahal tulad ng sinasabi ng Panginoon. Kay dami kayang balakid sa pagmamahal. May mga taong hindi natin mapatawad. Mga taong nanakit sa atin nang matindi. Mga taong hindi tayo pinahalagahan, tinanggap o tinulungan sa ating paghihikahos.



Di ba totoo na minsan mula sa ating mga mahal sa buhay nararanasan natin ang pinakapangit na pagtrato? Para sa mga taong simbahan, di ba sa mga kinikilala nating mga kapatid daw lalo pa natin tinanggap ang pinakamalubhang mga sugat? Paano ka magmamahal? Magpapatawad? Maghihilom?



Iniaalay ng Panginoon ang kanyang tulong sa atin. Sabi niya: “kung paano ako nagmahal, gayun din kayo magmahalan.” Hindi natin kaya mag-isa. Kasama natin siya. Gagawin natin ito sa pamamagitan niya. Isasakatuparan natin ito sa pangalan niya. Ang luwalhati ay hindi magmumula sa ating mga pagsisikap. Magmumula ito sa pagtitiwala, pagtulad, at pakikiisa sa kanya na nagmahal nang lubos-lubos sa atin. Matapos ang Krus, tanggapin mo nawa ang Kaluwalhatian!





 (paki-share sa isang kaibigan para sa kaluwalhatian ng Diyos!)

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more