SAINTS OF JUNE: SAN ANTONIO DE PADUA

-

HUNYO 13



A. KUWENTO NG BUHAY

Isa sa mga pinakabantog na santo sa buong mundo ang banal na taong pinararangalan natin ngayon. Sino nga bang Katoliko ang hindi nakakikilala o nakakita man lamang ng popular na pagsasalarawan ni San Antonio sa mga simbahan, bisita, kumbento, at mga tahanan?

Bitbit ni San Antonio sa kanyang isang braso ang batang si Hesus, habang sa isang kamay naman ay dala niya ang aklat ng Salita ng Diyos. Hindi nalalayo ang pagka-amo ng kanyang mukha sa mukha ng batang kanyang yakap-yakap malapit sa kanyang puso.  Ito ang karaniwang pagsasalarawan kay San Antonio.

Isinilang sa Lisbon, kapital ng Portugal si San Antonio noong taong 1195, kaya ngayon para sa mga Portuguese, dapat dawa siyang tawagin na San Antonio de Lisbon. Sa binyag, ang pangalan niya ay Ferdinand o Fernando.  Isang simbahan ang nasa lugar ng kanyang orihinal na tahanan at ito ay dinadayo ng mga deboto. Nadalaw ko ito minsan sa aking paglalakbay kasama ng ilang kaibigan.

Naging miyembro ng religious order ng mga Agostino si  San Antonio at naging matapat siya sa pagtupad ng buhay na pinasok niya. Subalit nagbago ng pasya si San Antonio at naisipan niyang sumapi sa grupong itinatag ni San Francisco ng Assisi, ang mga Franciscans.

Nasaksikan kasi ni San Antonio ang pagbabalik ng mga bangkay ng limang mga Franciscans na naging unang martir sa Morocco at nagkaroon din siya ng isang matalik na kaibigang prayle ng mga Franciscan. Lumipat siya sa grupo ni San Francisco at kinuha ang bagong pangalang “Antonio.”

Una ay ninais niyang maging isang martir sa Africa kaya nagboluntaryo siya upang magmisyon doon. Sandaling panahon lamang siya sa Africa at pinabalik na dahil sa mahinang pangangatawan niya.

Sa kanyang pagbabalik may matinding bagyo sa dagat kaya sa Italy siya napadpad. Nakaniig niya doon si San Francisco.  Sa Italy, naging ganap na pari si San Antonio. Nakilala siya bilang isang magaling na mangangaral lalo na dahil sa tagumpay ng kanyang misyon sa Italy at gayundin sa France.  Ipinadala siya sa mga lugar kung saan maraming tao ang sumusunod sa maling aral ng mga erehe.

Nang bumalik siya sa Italy, lalong nagningning ang kanyang reputasyon sa pangangaral ng Salita ng Diyos.  kinilala din ang kanyang katalinuhan kaya siya ang unang Franciscan na nagturo ng Teolohiya sa kanyang mga kapatid.  Si San Francisco mismo ang nagtalaga sa kanya bilang isang lektor.

Naging bantog ang matalino subalit banayad na mga sermon ni San Antonio. Malaking bagay din ang mga himala na tila sumusunod saan man siya magpunta. Nasaksihan ito ng maraming mga tao at lalo silang naniwala.

Nadestino sa Padua si San Antonio hanggang sa kanyang kamatayan noong 1231.  Lubos na pagmamahal ang ipinakita ng mga tao sa kanya nang siya ay pumanaw kaya tinawag siya bilang San Antonio de Padua. 

Sa basilica sa Padua ngayon ay makikita ang lalamunan at dila ni San Antonio na isang himalang buo pa hanggang ngayon.  Nang hukayin ang kanyang bangkay, nakita na hindi naagnas o nabulok ang mga bahaging ito ng kanyang katawan, tanda ng espesyal na biyayang bigay ng Diyos sa kanyang pangangaral at pagtuturo.

B. HAMON SA BUHAY

Maraming matututunan sa pagiging banayad at mabait ni San Antonio. Saliksikin pa natin sa mga babasahin ang kanyang buhay upang lalo tayong maganyak na tularan ang kanyang halimbawa.  Maganda rin kung magkakaroon tayo ng debosyon sa santong ito.

K. KATAGA NG BUHAY
Lk 4: 18a


Sumasaakin ang Espiritu ng Panginoon kayat pinahiran niya ako upang ihatid ang mabuting  balita sa mga dukha…
 
 (MULA SA AKLAT NA "ISANG SULYAP SA MGA SANTO, BY FR. RMARCOS)

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami...
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and t...
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Isra...
Read more