SAINTS OF JUNE: MGA UNANG MARTIR NG ROMA

-

 

HUNYO 30

 

MGA UNANG MARTIR NG ROMA

 


 

A. KUWENTO NG BUHAY

 

Sama-samang inaalala ngayon ang mga sinaunang mga martir ng lungsod ng Roma.  Ito ang unang pag-uusig laban sa simbahan sa Roma. Naganap ito noong kapanahunan ni emperador Nero, taong 64.

 

Paano makakalimutan ng mga Kristiyao noon ang malaking sunog sa Roma noong Hulyo 16, taong 64. Bagamat kagagawan ito ng emperador, ibinintang niya ang sunog sa mga Kristiyano upang magalit ang mga tao sa kanila.  Naging dahilan ito ng pagdakip sa mga Kristiyano.

 

Ayon sa mga saksing nagsulat ng kuwento, ang mga Kristiyano ay dinakip, pinahirapan at saka pinatay. Iba’t-iba ang uri ng pagpatay na ginawa sa kanila.

 

Nariyan ang sunugin ang mga tao upang gawing sulo na magbibigay liwanag sa lansangang.  Ang iba naman ay ipinakain sa mga mababangis na hayop tulad ng nakikita natin sa mga pelikula tungkol sa ugaling paglilibang ng mga tao sa Roma noon.  Ang Colosseum sa Roma ang isang saksi sa pagdanak ng dugo  ng  maraming Kristiyano para sa pananampalataya.

 

Isinulat ng paganong manunulat na si Tacitus sa kanyang Annales (15, 44) ang pangyayaring ito. Siya din ang naglarawan ng paraan ng pagpapahirap at pagpatay sa mg Kristiyano.

 

Si San Clemente na obispo ng Roma ay nagbanggit din ng tagpong ito sa kanyang Liham sa mga taga-Corinto, kabanata 5-6.  Bagamat hindi alam kung gaano karami ang namatay, ang Jerome Martyrology ay nagsabing may 979 na martir ang nagbuwis ng buhay.

 

Bagamat hindi natin alam ang pangalan ng mga martir na ito, sama-samang inaalala natin sila sa araw na ito. Hindi natin nais na makalimutan ang kanilang kagitingan. Gusto nating manatili sa ating puso at isip ang kanilang mabuting halimbawa at ang bunga ng kanilang paghihirap sa langit at kaluwalhatian sa langit.

 

 

B. HAMON SA BUHAY

 

Tandaan natin na ang mabubuting gawa ay hindi nakakalimutan at sa halip ay nagiging pampalakas ng loob ng ibang tao.  Hindi kailangang makilala tayo ng kapwa. Ang mahalaga ay makapag-iwan ng mabuting halimbawa.

 

K. KATAGA NG BUHAY

 

Mt 24: 9

 

At  huhulihin naman nila kayo at pahihirapan at papatayin. Kamumuhian kayo ng lahat ng bansa dahil sa aking pangalan.

 

(MULA SA AKLAT NA "ISANG SULYAP SA MGA SANTO, BY FR. RMARCOS)

 

 

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

GOMBURZA: BAKIT MAHALAGA?

-
Image
      PADRE MARIANO GOMES  (Gomez, ayon sa kanyang orihinal na apelyido)       Isinilang si Padre Gomez sa Santa Cruz, Maynila noong Agosto 2, 1799. Itinuturing siyang isang tornatrás o torna atrás o iyong may magkahalong dugo na Indio, Intsik at Kastila; karaniwang ang ama ay Kastila at ang ina ay mestisang Intsik. Ang kanyang mga magulang ay sina Alejandro Francisco Gomez at Martina Custodio.   Pumasok siya sa mga paaralang Letran at UST. Naghanda naman siya sa pagpapari sa Seminaryo ng Maynila na ngayon ay San Carlos.   Taong 1824 nang maging parish priest si Fr Gomes ng Bacoor, Cavite. Nakakitaan siya ng kasipagan sa pag-aalaga sa espirituwal na kabutihan ng mga tao, gayundin sa pagtuturo sa kanila ng kabuhayan at ng agrikultura. May maganda siyang pakikitungo sa mga kapwa pari. Kabilang siya sa mga nasyonalistang pari na nakikipagbuno para sa pantay na karapatan at pagkilala sa mga paring secular (o iyong hindi miyembro ng mga religious order tulad ng Dominicans, Franc
Read more

ANG 12 BUNGA (MGA BUNGA) NG ESPIRITU SANTO

-
Image
    Ano ang pagkakaiba ng BUNGA ng Espiritu Santo sa mga KALOOB ng Espiritu Santo? Ang mga Kaloob (7 Gifts of the Holy Spirit, Is. 11: 2-3) ay mga mabubuting katangian na dulot ng Espiritu Santo sa ating kaluluwa (virtues sa Ingles, tulad ng theological virtues na pananampalataya, pag-asa at pag-ibig). Ang mga Bunga   (Gal 5:22-23) naman ay mga mabubuting kilos na nagmumula sa mga Kaloob na ito. Namumunga tayo ng kabutihan dahil Espiritu Santo, sa ating pagkilos at pagsasabuhay ng pananampalataya sa mundo. Nagagawa natin ito dahil sa tulong ng Espiritu Santo. Ang presensya ng mga Bunga ng Espiritu Santo sa ating buhay ay patunay na nananahan sa atin ang Espiritu ng Diyos. Ayon sa Gal. 5, may 9 na bunga ang Espiritu Santo sa atin: “Subalit ang bunga ng Espiritu ay pag-ibig, kagalakan, kapayapaan, pagtitiyaga, kabaitan, kabutihan, katapatan, 23  kahinahunan, at pagpipigil sa sarili. Walang batas laban sa mga ganito. ” Subalit sa tradisyong Katoliko, itinuturo na ma
Read more