SAINTS OF JANUARY: SAN HILARIO

-

ENERO 13



SAN HILARIO, OBISPO AT PANTAS NG SIMBAHAN

A. KUWENTO NG BUHAY

Unang nakakita ng liwanag sa mundo si San Hilario noong isilang siya sa taong 315, sa bansang France. Nag-asawa at nagkaroong ng isang anak na babae itong si Hilario. Sa simula siya ay isang pagano o hindi pa naniniwala kay Kristo. Subalit tinalikuran niya ang kanyang pagiging pagano at nagpabinyag siya nang mabasa niya ang Bibliya lalo na ang panimula ng Mabuting Balita ayon kay San Juan.

Sa kanyang pagmamahal sa Bibliya, naging mahusay siyang tagapaliwanag ng mga Salmo at pati na rin ang Mabuting Balita ayon kay San Mateo.

Nahirang siyang obispo ng Poitiers, France kahit na hindi pa siya pari, noong taong 350. Medyo naging mahirap ang kanyang buhay bilang obispo dahil ipinatapon siya ng kanyang mga kaaway sa malayong lugar. Bakit nila ito ginawa? Lumalaganap noon sa kanilang bansa ang mga maling aral ng semi-Arians na nakakuha ng suporta ng emperador at nilabanan niya nang buong giting ang mga maling turo ng mga ito.

Tulad ng nabanggit na sa buhay ng ibang mga santong lumaban sa mga Arians, ang grupong Arian ay naghahasik ng maling turo na ang Panginoong Hesukristo ay hindi kapantay ng Diyos Ama sa pagka-Diyos. At hindi ito ang turo ng ating simbahan. Ang aral ng simbahan ay ang pagiging pantay at iisa sa pagka-Diyos ng Ama at ng kanyang Anak na si Hesus (at ng Espiritu Santo na pag-ibig nilang dalawa).

Ang tamang aral tungkol sa Banal na Santatlo o Santissima Trinidad (iisang Diyos sa tatlong Persona; Holy Trinity sa Ingles) ay batayan ng Kristiyanismo at ang anumang grupong hindi tumatanggap dito ay hindi din tunay na Kristiyano sa pananampalataya.

Ang aral tungkol sa Santissima Trinidad ay unang ipinaglaban nang may ubod-katapangan ni San Atanasio (obispo sa simbahan sa Silangan) hanggang sa kanyang kamatayan.  Siya rin ay nagdusa ng maraming pagtuligsa ng kanyang mga kaaway dahil sa kanyang paninindigan sa aral na ito.

Kinilala si San Hilario bilang katumbas ni San Atanasio at ipinahayag siya bilang isang pantas ng simbahan dahil sa kanyang pagtuturo ng tamang doktrina. Nagsulat siya ng 12 libro tungkol sa Santissima Trinidad at kinilala siya bilang isang magaling na theologian.  Namatay siya noong taong 367.



B. HAMON SA BUHAY

Nakahahanga ang dedikasyon ni San Hilario sa tamang aral ng pananampalataya. Bunga ito ng kanyang sariling pag-aaral sa Bibliya at sa personal na kaugnayan niya sa Diyos. Ginagawa ba natin ang lahat ng ating makakaya upang maging mulat sa katotohanan na dulot ng ating Panginoong Hesukristo?  Sinisikap mo bang malaman at maunawaan ang iyong sariling pananampalataya?

Ngayong Bagong Taong ito, maging matatag nawa ang ating pananalig na hindi tayo pababayaan ng Diyos Ama, Anak at Espiritu Santo, tulad ni San Hilario.

K. KATAGA NG BUHAY



JN 21: 16
Sinabi sa kanyang makalawa: “Simon, anak ni Juan, mahal mo ba ako?” Sinabi nito sa kanya: “Oo, Panginoon, ikawa ang nakaaalam na iniibig kita.”

(from: Isang Sulyap sa mga Santo, by Fr. RMarcos)

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more