SAINTS OF JANUARY: SAN SEBASTIAN AT SAN FABIAN

-

ENERO 20



SAN SEBASTIAN, MARTIR
AT SAN FABIAN, SANTO PAPA AT MARTIR

A. KUWENTO NG BUHAY

Si San Sebastian ay isa sa mga patron (co-patron) ng paborito kong parokya sa Pulong Buhangin, Sta. Maria, Bulacan (Our Lady of Mt. Carmel Parish), kasama ng Mahal na Birheng del Carmen at ni San Roque. Naaalala ko ang kanyang imahen na nagpapakita sa kanya bilang isang makisig na kabataang lalaki na nakagapos sa poste at punong-puno ng mga sibat sa kanyang katawang duguan.

Isa sa mga unang naging sikat na santo at naging makulay ang pagsasalaysay ng buhay ang kay San Sebastian, kaya madali siyang nakilala at pinagpugayan ng mga unang Kristiyano.

Ayon kay San Ambrosio, na obispo ng Milan, Italy at nagbinyag kay San Agustin, si San Sebastian ay tubong Milan at ang kanyang mga magulang ay mga Kristiyano. Isa siyang ulirang sundalo. Hindi niya nais maging isang sundalo subalit napilitan siya dahil napili siyang maglingkod sa bayan.

Naging kapitan ng mga sundalo si San Sebastian sa Roma at malaking tulong ang nagawa niya upang saklolohan ang mga Kristiyanong pinag-uusig noong panahon ni Emperador Diocletian. May mga nasulat na kuwento tungkol sa kanyang pag-alalay sa mga martir na lakasan ang kanilang loob at magsumikap na maging tapat hanggang kamatayan.

Sa wakas, dumating na ang panahon na siya mismo ay dapat ding magpatunay ng kanyang tapang at tatag sa oras ng pag-uusig. Inutusan ni Diocletian ang mga sundalo na patayin si Sebastian sa pamamagitan ng mga sibat. Iniwanan nila si Sebastian na akala nila ay patay na. Pero isang Kristiyanong babaeng ang pangalan ay Irene ang nakatagpo sa kanya at iniuwi siya sa bahay upang alagaan at pagalingin.

Nang gumaling siya, si Sebastian ay muling nagpunta sa emperador upang ipahayag ang kanyang pagtutol sa marahas na pag-uusig laban sa mga Kristiyano. Muli, inutusan ng emperador ang mga sundalo na bugbugin hanggang mamatay itong si Sebastian. Itinapon sa isang kanal ang kanyang katawan. Maaaring namatay siya noong taong 288.

Nagpakita si San Sebastian sa isang babaeng ang pangalan ay Lucina upang hilingin na kunin ang kanyang katawan at ilibing nang maayos sa isang puntod na ngayon ay nasa basilica si San Sebastian sa Roma. Mula pa noong una, dito dinadalaw ng mga deboto ang libingan ni San Sebastian sa Appian Way ad Catacumbas sa Roma.

Naging patron si San Sebastian laban sa salot o plague, dahil sa kanya humingi ng tulong ang mga tao at tumigil ang salot noong taong 680.

Si San Fabian naman ay hindi kasing sikat ni San Sebastian subalit isa rin siyang magiting na martir at dating obispo ng Roma (Santo Papa) noong taong 236.   Siya ay nagdusa noong pagtuligsa sa simbahan sa ilalim ni Emperador Decius. 

Sinasabing nahirang bilang Santo Papa si Fabian dahil sa isang tanda na galing sa langit.  Ayon sa kuwento ni Eusebio, may isang kalapating lumitaw at dumapo sa ulo ni Fabian habang pumipili ng bagong Santo Papa ang mga tao sa Roma.  Noong panahong iyon, si Fabian ay hindi man lamang isang pari o obispo. Siya ang unang layko o layman na nahirang bilang Santo Papa. Malamang na pagkatapos ng paghirang sa kanya, saka pa lamang siya inordenahang pari at obispo.

Ang alam nating mga detalye sa buhay ni San Fabian ay mula sa panulat ni San Cipriano. Tinamasa ni San Fabian ang korona ng pagiging martir noong taong 250. Inilibing siya sa sementeryo ni San Calisto sa Roma. May lapida ang kanyang puntod na ang isinasaad ay ganito: “si Fabian, obispo at martir.”

Noong una pa man ay sabay na ipinagdiriwang ang dalawang martir na ito bagamat ngayon ay hiwalay na ang paggunita sa kanila sa liturhiya. Pareho din silang nasa litanya ng mga santo.


B. HAMON SA BUHAY

Sa buhay nina San Sebastian at San Fabian, mababakas natin ang kanilang lakas ng loob at katapangan na panindigan ang kanilang pananampalataya kay Hesus. Kapwa sila namatay para sa kanilang pananalig sa Diyos. Bagamat hindi tayo lahat maaaring maging martir tulad nila, sikapin nating maging buo ang ating loob sa pagpapahayag ng ating pananalig kay Kristo sa mga simpleng ginagawa natin sa bawat araw.

Ang mga martir na Sebastian at Fabian nawa ang magbigay ligaya sa atin sa harap ng mga hamon ng pang-araw-araw na buhay.

K. KATAGA NG BUHAY

JN 10:11
Ako ang siyang mabuting pastol. Nag-aalay ng kanyang buhay alang-alang sa mga tupa ang mabuting pastol.
 
(mula sa aklat na "Isang Sulyap sa mga Santo, by Fr. RMarcos)

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more