ANG ROSARYO NI POPE BENEDICT XVI  

-

 



Nang magkasakit ng cancer (stage 3) ang aking ina, pumasok kami sa isang malungkot na yugto ng aming buhay. Dahil sa kalituhan at kalumbayan, parang may nag-udyok sa akin na sumulat ng liham sa Pope noong panahong iyon, si Pope Benedict XVI. Sa sulat na iyon, naibulalas ko ang aking kalungkutan, ang mga tanong sa aking isip at ang kahilingang ipagdasal sana niya ang aking ina. Matapos hanapin at matagpuan sa internet ang mailing address ng Santo Papa, ipinadala ko ito sa pamamagitan ng snail mail, iyong may selyo sa post office, na bihira na ang gumagawa ngayon. Nahuli kasi ang Lalamove at Grabexpress e.

 

Ilang linggo ang lumipas at bigla na lamang akong may natanggap na isang liham galing abroad. Nang buksan ko ang envelope nagulat ako na galing ito sa tanggapan ni Pope Benedict XVI. Isang pagbati ang ipinaabot niya sa akin at gayundin sa aking ina. Nakalagay din doon na inaalala niya ang aking maysakit na ina sa kanyang mga panalangin at ibinabahagi niya dito ang kanyang matimyas na pagbabasbas.

 

Kasama sa sulat ang isang simple subalit magandang itim na Rosaryo na ang sabi ay iabot ko daw sa aking ina bilang tanda ng pagmamalasakit ng Santo Papa sa kanya. Nang iuwi ko ito sa aking ina, tuwang tuwa siya at napuno ng pag-asa. Hindi siya makapaniwalang ganito kalapit si Pope Benedict XVI sa isang maysakit na tulad niya mula sa isang maliit na baryo sa ating bansa. Sa loob ng pagkakasakit ng aking ina, at tuwing siya ay isusugod sa ospital, tinitiyak niyang hawak-hawak niya ang Rosaryo ni Pope Benedict. Ito din ang Rosaryong nakapulupot sa kanyang mga kamay sa kanyang pagpanaw at sa kanyang libing matapos ang dalawang taong pakikipagbuno sa cancer.

 

Maraming nasulat tungkol kay Pope Benedict XVI bilang isang mahigpit, masungit, suplado at walang pakialam na tao. Subalit paano mo huhusgahan ang isang tao mula sa malayo? Sa mga nakakilala sa kanya nang personal, walang sinumang nakapansin ng mga ganitong ugali sa kanya. At para sa akin, at lalo na sa aking ina, kaylaking ligaya, lugod at ginhawa ang idinulot ng isang maikling liham at isang simpleng Rosaryo na mula sa mga kamay ng Santo Papa Benedict XVI. Sumalangit nawa po kayo, Holy Father…

 

#ourparishpriest 2023

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more