IKATLONG LINGGO NG KARANIWANG PANAHON A

-

 


HINDI NAKALIMUTAN NG DIYOS

MT 4: 12-17

 


Sa ordinasyon ng isang pari sa isang liblib at mabundok na lugar, sinalubong ng obispo ang mga panauhin nang ganito: “Salamat naman at napunta kayo dito sa lugar na nakalimutan na ng Diyos!” At hindi nakagugulat, dahil isang malaking pagsubok ang tumungo doon. Kung hindi lang mahal ng mga tao ang bagong pari, hindi sila mangangahas na dumayo sa lugar na iyon.

 

Nakalimutan ng Diyos! Napabayaan ng Diyos! Sino ang magtitiyagang pumunta sa lugar na kaylayo at kayhirap. Sino ang mapipilit na tumungo sa kung saan walang ganap, kung saan masama ang reputasyon, at kung saan walang mahihita na anuman. Siguro ganyan kung tingnan noon ang tinatawag sa mabuting balita na Galilea. Pansinin ninyo ang pagsasalarawan: lugar na malaon na sa dilim, lugar ng kamatayan, lugar ng mga Hentil o mga pagano!

 

Pinili ni Hesus na unahing puntahan at paglingkuran ang Galilea. Dito siya nanirahan. Dito siya naghimala at nangaral. Dito niya pinili ang kanyang mga alagad at mga kaibigan. Matapos siyang muling mabuhay, sinabi niya sa mga babae na ipahatid sa mga alagad: “Pumunta kayo sa Galilea; doon ninyo ako makikita.” Sa halimbawa ni Hesus, nakikita natin ang pagnanais ng Diyos na tahakin ang lugar na hindi napupuntahan; ang pagnanais ng Diyos na saliksikin ang laylayan, ang tabing-daan, ang maputik na lansangan.

 

Malayo ang Galilea sa Herusalem na sentro ng kapangyarihan noon. Hindi lang malayo sa distansya kundi malayo din sa espirituwal at pulitikal na paraan. Ang Panginoong Hesus, na may dalang liwanag, alam niyang kailangan ito sa Galilea. Dala ang buhay, alam niyang higit itong pahahalagahan doon. Naghahanap ng mga naligaw, dama ng Panginoon na ang mga taga-Galilea ang tamang akayin pabalik sa Diyos.

 

Pagbabalik natin sa karaniwang panahon, ipinaaalala ng ebanghelyo na dinadalaw ng Panginoon ang Galilea ng kasaysayan – yung mga lugar na iniiwasan ng iba dahil mahirap, malayo, at maputik. Nananahan siya sa piling ng mga taong hindi perpekto subalit naghihintay ng magmamahal, maghihilom at magbubuo sa kanila. Bawat isa sa atin ay may Galilea, hindi pisikal na lugar, kundi aspekto ng buhay na kailangan ang liwanag at buhay, ng mga salita at yakap, ng galak at kapayapaan ni Kristo.

 

Ano bang bahagi ng buhay mo ang sa tingin mo’y nakakahiya, madumi, hindi karapat-dapat? Anyayahan natin si Hesus na dalawin ang aspektong ito ng buhay natin. Sabihin nating kailangan natin siya. Hayaan nating hipuin niya tayo at ihatid sa atin ang kanyang liwanag at pagmamahal.

 

#ourparishpriest 2023

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more