IKA-15 LINGGO NG KARANIWANG PANAHON K

-

 

HUWARAN NATING LAHAT

LK 10: 25-37

 


 

 

Sa huling panayam ni San Papa Pablo VI sa pagtatapos ng Second Vatican Council, binanggit niya ang mabuting balita ngayon, ang Mabuting Samaritano, bilang modelo ng simbahan sa makabagong mundo. Pangarap niyang ang simbahan ay humayo na may habag, paglalaan ng sarili at pagiging handang lumingap sa mga dukha at naghihirap. Malaking hamon, subalit hindi niya ito likhang-isip lang. Bumubukal ito sa puso ni Hesus.

 

Madalas nating isipin na ang talinghaga ng Alibughang Anak ang ebanghelyo ng awa. Subalit ang talinghaga ng Mabuting Samaritano ay isa ding makapangyarihang paglalahad ng Panginoong Hesus kung paano dapat mamuhay ang mga alagad na may kabutihan, kababaan at awa para sa lahat. Ipinapakita nito ang sariling pananaw at halimbawa ng Panginoon, gayundin ang kanyang inaasam na gampanin ng mga nagmamahal sa kanya.

 

Sugatan, takot at naghihikahos ang mundo ngayon. Kaydaming nadali ng pandemya. Kaydaming naapektuhan sa materyal at pinansyal na paraan. At higit na marami ang dumadaan sa panloob, sa di nakikitang pagdurusa na nakaapekto sa pag-iisip o mental health nila. Nagdurugo ang puso, isip, saloobin, at damdamin ng maraming tao sa paligid natin.

 

Ayon sa Panginoong Hesus, hindi sapat na nasa puso mo ang Diyos. Hindi sapat na nasa labi mo ang Diyos. Hindi sapat na nasa isip mo ang Diyos. Dapat nating dalhin ang Panginoon sa ating kilos tungo sa ating kapwa. Iyong mga unang dumaan at nakakita sa taong nakahandusay sa daan ay hindi naman masasamang tao. Baka nga may dahilan kung bakit nagmamadali sila at hindi nakahinto. Tulad ng ibang Hudyo, mahal nila at nananalig sila sa Diyos.

 

Pero ang Samaritano lamang ang naglagay ng kanyang pag-ibig sa Diyos sa kanyang kamay. Hindi siya nangaral. Hindi din nagturo. Basta ipinahayag niya ang kanyang pananampalataya sa pag-aaruga at awa sa kapwa. Patunay ito na totoo ang pag-ibig niya, aktibo at mabisa. Tulad ng pagmamahal ng Diyos sa mundo, ng pag-aalay ni Hesus ng sarili para sa ating katubusan.

 

Sabi ni San Francisco de Sales: “Napakalaking kasamaan ang hindi gumawa ng mabuti.” Bawat araw, may pagkakataon tayong magpahayag ng pagmamahal. Ang iba ginagawa ito sa pamamagitan ng dasal. Ang iba, sa pamamagitan ng mabuting hangarin. Ang iba nagbibigay ng konting limos. Pero higit na masaya ang tumutulad sa Diyos sa kanyang kabutihan at pagmamahal sa mga gawain ng pagtulong at paglingap sa nagdurusa. Ikaw, paano mo ipinapakita ang pagmamahal mo sa Diyos?

 

Comments

ma kikz said…
Salamat po sa pagpapaliwanag sa salita ng Diyos . Nakapagbibigay inspirasyon ang iyong pagninilay.
July 8, 2022 at 7:34 AM
ma kikz said…
Salamat po sa pagpapaliwanag sa salita ng Diyos . Nakapagbibigay inspirasyon ang iyong pagninilay.
July 8, 2022 at 7:35 AM
ma kikz said…
Salamat po sa pagpapaliwanag sa salita ng Diyos . Nakapagbibigay inspirasyon ang iyong pagninilay.
July 8, 2022 at 7:35 AM
Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more