SAINTS OF JULY: SAN PEDRO CRISOLOGO OBISPO AT PANTAS NG SIMBAHAN

-

 

HULYO 30

SAN PEDRO CRISOLOGO

OBISPO AT PANTAS NG SIMBAHAN

 


A. KUWENTO NG BUHAY

 

Ilang araw lamang ang nakalilipas, nabanggit na natin ang lungsod ng Ravenna sa Italy. Ito ay may kinalaman sa kapistahan ni San Apolinario, alagad ni San Pedro Apostol, na isinugo upang maging misyonero at obispo ng Ravenna.

 

Ngayon isa pang naging obispo ng Ravenna ang ating kinikilala. Siya ay si San Pedro Crisologo. Isa siyang magiting na obispo at marunong na pantas ng simbahan na nakaugat sa kasaysayan ng dakila at mapalad na lungsod. Sa tuwing nagiging mahalaga ang isang lugar sa imperyo o nasasakupan ng Roma, nagiging mahalaga din ang simbahan sa lugar na iyon. Nagkakaroon ng mataas na status.

 

Mahalaga ang Ravenna noong unang panahon dahil isa ito sa mga piniling sentro ng emperador para sa buong kaharian niya. Dahil dito, may natatanging karangalan ang lugar dahil itinuturing itong isa sa mga tirahan ng emperador ng ng Roma na noon ay napalaki ng saklaw na teritoryo.

 

Ipinanganak noong bandang 380 si San Pedro Crisologo sa lugar na tinatawag na Imola sa lungsod ng Emilia. Nang lumaki ang bata, naisipan niyang ialay ang buhay bilang isang pari.  At naging mabuting lingkod nga siya ng mga tao nang dumating ang panahon na naganap na ang pangarap niyang ito.

 

Noong taong 424, nahalal bilang obispo ng Ravenna si San Pedro Crisologo.  Buong-puso niyang inakay ang bayan ng Diyos at ninais na dalhin sila sa bukal ng kabanalan. Isa sa mga bagay na ginawa niyang programa ng kanyang panahon bilang obispo doon ay ang walang-sawang pagtuturo sa mga tao tungkol sa Salita ng Diyos at sa mga aral ng simbahan.

 

Noong panahong iyon, pangangaral o preaching ang paraan ng pagtuturo sa mga tao. Dito sumikat ang katauhan ni San Pedro Crisologo. Magaling talaga siyang mangaral. Nahikayat niya ang mga tao na makinig at matuto sa mga paliwanag at aral na ibinigay niya sa kanila.

 

Ang salitang “Crisologo” ay hindi apelyido ng santong ito. Ang kahulugan ng salitang ito ay “ginintuang pananalita.” Ito ang itinawag ng mga tao sa kanya bilang pagkilala sa kahali-halina niyang pagpapahayag ng aral Kristiyano.  Napakagaling magsalita at mahusay makipagtalastasan si San Pedro Crisologo.

 

Marami ding mga naisulat na akda ang ating santo. Ang mga isinulat niya ay dagdag na tulong upang lalong maakay sa katotohanan ang mga taong kanyang pinaglingkuran.

 

Namatay noong bandang taong 450 si San Pedro Crisologo, bilang minamahal na obispo ng Ravenna. Pinagpala nga ang lugar na ito na naging tahanan ng mga banal na pastol ng simbahan tulad ni San Pedro.

 

 

B. HAMON SA BUHAY

 

Magaling magsalita si San Pedro Crisologo at ginamit niya ang talentong ito upang lalong mapalapit ang mga tao sa Diyos. Dahil dito hanggang ngayon ay taglay niya ang bansag na “ginintuang pananalita.”  Paano ba tayo magsalita?  Nakapagpapalakas ba tayo ng loob at nakapagpapabuhay ng pananampalataya ng kapwa natin? O baka naman dahil sa ating mga salita, marami ang nawawalan ng gana na subukan ang buhay Kristiyano?

 

 

K. KATAGA NG BUHAY

 

Efes 3: 12

 

Sa kanya (Jesus), may lakas tayo ng loob na lumapit sa Diyos nang may tiwala sa pamamagitan ng pananampalataya.

 

(MULA SA AKLAT NA "ISANG SULYAP SA MGA SANTO, BY FR. RMARCOS)

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more