IKALIMANG LINGGO NG KUWARESMA - A

-

WALANG PANGIL SI KAMATAYAN



Bawal sa paniniwalang Chinese na magbanggit ng tungkol sa kamatayan sa mga okasyon na masaya. Subalit baligtad yata sa paniniwalang Kristiyano. Tingnan na lamang ngayon ang mga pagbasa ng Salita ng Diyos.  Panay larawan ng kalansay at buto, kamatayan at libing ang tumatambad sa atin.  Walang anumang pangingimi o pag-iwas tungkol sa tema ng kamatayan.

Bakit? Kasi po ang Diyos ay hindi nasisindak o natatakot sa kamatayan. Hinaharap ng Panginoon ang kamatayan at binibigkas niya dito ang kanyang pagpapala upang mag-ugat ito tungo sa bagong buhay.  Sa unang pagbasa, Ezekiel 37, ang mga buto at kalansay ay muling tatayo at magiging tao. Sa ikalawang pagbasa, Roma 8, ang ating espiritu ay hindi mamamatay dahil nasa atin ang Espiritu Santo. At sa Ebanghelyo, Juan 11, muling binuhay ni Jesus ang kanyang kaibigang si Lazaro na nailibing na ng ilang araw.  Tunay nga si Jesus “ang muling pagkabuhay.”

Nakatagpo ng katapat ang kamatayan sa kamay ng Diyos. Dahil kumikilos ang Diyos sa kabila ng kalungkutan at sindak ng kamatayan upang ganapin ang kanyang magandang plano sa buhay natin. Hinahayaan niya tayong makalasap ng kamatayan upang lalo nating madama ang kahulugan ng bagong buhay. Sa Credo, sabi natin: sumasampalataya ako sa pagkabuhay ng mga namatay na tao at sa buhay na walang hanggan.

Hindi lang ito totoo sa pisikal na aspekto ng kamatayan dahil maraming kamatayan ngayon sa ating karanasan.  Namamatay tayo sa aspekto emosyonal, espirituwal, kaisipan, pinansyal at maging sosyal o relasyon sa kapwa. Mas grabe pa nga ang mga kamatayang ito dahil dinadanas ito ng mga taong humihinga pa sa mundong ito. At ang pinaka-malalang kamatayan ay ang kamatayang dulot ng kasalanan.

Ngayong Kuwaresma, nangangako ang Panginoon ng buhay para sa atin. Noong isang Linggo, pinadilat ng Panginoon ang bulag tungo sa liwanag. Ngayon, binuhay niya ang patay na si Lazaro. Sa tulong ng Kuwaresma, lalo na sa Kumpisal, dinadala tayo ng Panginoon mula kamatayan tungo sa buhay. Nais niyang hawakan ang mga namamatay na bahagi o aspekto ng buhay natin upang magkaroon ng bagong pag-asa. Ang kalungkutan, galit at pagkawatak-watak ay magiging galak, patawad at pagkakasundo.

Ano sa buhay mo ngayon ang tila nalalanta, nanghihina o namamatay na? ano ang kailangan na ng hipo ng mapaghimalang kamay ni Jesus upang muling mabuhay? Sa ating pagtahak sa Kuwaresma, hanapin natin si Jesus tulad ni Marta at Maria at magsumamo tayong bigkasin niya sa atin ang kanyang salitang nagbibigay-buhay. Amen.

Comments

Post a Comment

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more