IKA-30 LINGGO NG KARANIWANG PANAHON K

-


GAANO KALAKAS KA SA DIYOS?





Isang kasambahay ang bibili ng lotto noong nakaraang Disyembre.



Naisip niyang huminto sa altar ng amo niya.



Hinawakan niya ang imahen ni Jesus at mataimtim na nagdasal.



Tapos, bumili na siya ng tiket.



Alam ninyo, ilang araw pagkatapos, isa na siyang milyonarya!



Ngayon ang daming nakapila sa labas ng bahay ng kanyang dating amo upang humawak sa imahen ni Lord doon bago tumaya sa lotto!



Mahal ng Diyos ang mga dukha, mahihina, at mga inaapi, alam natin iyan. Nasusulat iyan.



Pero sobrang mahal ba niya sila na gumawa siya ng maraming dukha sa mundo ngayon?



Hindi ba siya nakikinig sa milyones na nagdarasal para matupad ang kanilang pangarap?



Ang mga pagbasa natin ay gabay sa pang-unawa sa malalim na puso ng Ama.



Sabi sa unang pagbasa (Sirach 35/ Ecclesiastico 35), sabi sa atin, “ang dalangin ng mapagpakumbaba ay tumatagos sa mga ulap at hindi tumitigil hanggang di umaabot sa Panginoon.”



Hindi pala naghahanap ang Diyos ng simpleng kahirapan lamang… sa halip, ang dukha na mapagpakumbaba!



Iyong buong tiwala, buong pagsuko, pagpapahayag ng matinding pag-asa sa kanya at sa kanya lamang.



Kay daming tao sa mundo – mahirap at mayaman – na ang puso ay hindi nakatutok sa Panginoon.



Ang puso natin ay nakakiling sa ating lakas, ari-arian, opinyon, yabang, galit at mga kasalanan..



Habang may ibang nagiging saligan ng ating buhay maliban sa Diyos, hindi tayo ang mahihirap na tinutukoy ng Kasulatan.







Silipin natin ang Gospel (Lk 18).



Ang Pariseo ay relihyoso at sobrang madasalin din.



Pero namumutawi sa kanya ang sariling katiyakan at kayabangan.



Ang tagasingil ng buwis o publikano (na itinuturing na makasalanan ng mga Hudyo) ay malinaw namang nakatingala lamang sa Diyos at sa kanya humuhugot ng lahat-lahat – “Diyos ko, maaawa po kayo sa akin!”



Kaya pala, naantig ang puso ng Panginoon sa tila mabangong insenso ng panalangin ng tagasingil ng buwis, pero nabantutan siya sa alingasaw ng ka-plastikan ng Pariseo.



Hindi ko maipaliwanag kung bakit nga ba nag-jackpot si Inday noong araw na iyon.



Siguro dahil hindi lamang siya mahirap at nangangailangan ng tulong.



Siguro dahil din sinunggaban niya ang kamay ng imahen ni Jesus, at taimtim na ipinagkatiwala sa kanya ang buong buhay niya.



Ang dami ko nang narinig na ganyang kuwento ng mga taong nabiyayaan nang matindi dahil pinabayaan nila ang Diyos na magharing todo-todo sa kanilang puso.



Ano pa ang hinihintay mo? Tumayo ka na diyan.



May jackpot, sa iba’t-ibang anyo, na naghihintay sa iyo!



huwag kalimutang ibahagi sa kaibigan...


-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more