IKA-31 LINGGO NG KARANIWANG PANAHON B

-


TAMANG PANANAW SA MGA UTOS NG DIYOS





Inaresto ng mga pulis ang ilang manonood ng sine na hindi tumindig nang tugtugin ang pambansang awit. Batas sa atin ang magpugay dito saanman at kailanman natin ito marinig. Dahil maging mga batang paslit ay alam ito at sumusunod sa batas na ito, maraming nagtaka sa inasal ng mga nabanggit ng manonood ng sine. Sabi ng ilan maaaring hindi lamang kawalang-pakialam o kamangmangan ang dahilan; maaaring ito ay tanda ng kawalan ng pagpapahalaga at pag-ibig sa bayang tinubuan.



Malaking ikabubuti na malaman, matandaan at masunod ang mga batas na nagtatakda ng tamang kilos at ugnayan sa lipunan. Subalit ang pag-ibig, higit pa sa kaalaman, ang nagtutulak sa mga tao na maging mulat, maingat, at matapat sa mga bagay, tao, at iba pang pagpapahalaga sa buhay. Ang mga batas, bagamat mahalaga, ay kailangang may kapaligirang magpapatingkad ng katapatan at pagtatalaga ng sarili.



Nakahahanga ang dakilang karunungan ng Panginoong Hesukristo nang pagdugtungin niya ang mga banal na utos o batas at ang diwa kung saan dapat sundin at tupdin ang mga ito. Pinagtibay ni Hesus na ang mga utos o batas ay mahalaga sa ating kaugnayan sa Diyos. Subalit sa paglalagom niya ng mga utos sa ilalim ng bandila ng pag-ibig, binigyang-diin din niya ang pananaw ng puso na kailangan upang mapahalagahan ang mga utos ng Diyos.



Sa ating karanasan, kung ang isang bagay ay inuutos lamang gawin, tila mahirap at hindi kahali-halina. Kung gusto naman natin ang isang bagay o tao, di ba napakasarap gawin kahit anupaman na walang pasubali.



Kung tunay na mahal natin ang Diyos, lalo natin siyang mamahalin pang lubos. Sabi ni San Francisco de Sales, sa pagmamahal sa Diyos kailangan lamang natin na lumakad pasulong; walang palingun-lingon. Palagay ko, ito ang pakahulugan ng Panginoon sa hamon na mahalin ang Diyos ng buong kaluluwa, isip at lakas. Dapat lumago lamang, kahit hindi perpekto. Walang puwang para sa pagbagal, katamaran, at pagpapabukas.



At kung mahal nating totoo ang ating kapwa, hindi lamang natin hihilingin ang mabuti para sa kanila. Ito ang paanyaya ni San Francisco na gawin din natin ang anuman nasa ating kakayahan upang tulungan ang kapwa. Ang pagmamahal sa iba ay hindi salita lamang kundi dapat kilos din. Tunay ito at tapat kung walang pagbalewala sa pangangailang ng dukha at walang kaplastikan sa anumang ugnayan.



Sa linggong ito, patuloy tayong manalanging na lumago sa ating pag-ibig sa Diyos at sa mga taong inilagay niya sa landas ng ating buhay.




-->

Popular posts from this blog

HOLY MASS IN FILIPINO (TAGALOG)

-
Image
ANG BANAL NA MISA PAMBUNGAD NA AWIT Pari:    Sa ngalan ng Ama, at ng anak, at ng Espiritu Santo. Bayan: Amen P.         Sumainyo ang Panginoon. B.        At sumainyo rin. P.         Mga kapatid, aminin nating ang ating mga kasalanan upang tayo’y maging marapat sa pagdiriwang ng banal na paghahaing ito.             Sinugong Tagapagpagaling sa mga nagsisisi,             Panginoon, kaawaan mo kami. B.        Panginoon, kaawaan mo kami. P.        Dumating na Tagapag-anyayang mga makasalana’y magsisi,             Kristo, kaawaan mo kami. B.         Kristo, kaawaan mo kami. P.         Nakaluklok ka sa kanan ng Diyos Ama para ipamagitan kami             Panginoon, kaawaan mo kami. B.         Panginoon, kaawaan mo kami. P.         Kaawaan tayo ng makapangyarihang Diyos,             Patawarin tayo sa ating mga kasalanan,             At patnubayan tayo sa buhay na walang hanggan. B.        Amen. GLORIA/ LUWALHATI
Read more

SIMBANG GABI DAY 1: READINGS AND REFLECTIONS

-
Image
FIRST DAY: DECEMBER 16   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo First Reading: Isaiah 56:1-3, 6-8   Thus says the Lord: Observe what is right, do what is just, for my salvation is about to come, my justice, about to be revealed.   Hay is the one who does this, whoever holds fast to it: Keeping the sabbath without profaning it, keeping one’s hand from doing any evil. The foreigner joined to the Lord should not say, “The Lord will surely exclude me from his people”; Nor should the eunuch say, “See, I am a dry tree.” And foreigners who join themselves to the Lord, to minister to him, to love the name of the Lord, to become his servants—All who keep the sabbath without profaning it and hold fast to my covenant, them I will bring to my holy mountain and make them joyful in my house of prayer; their burnt offerings and their sacrifices will
Read more

SIMBANG GABI DAY 2: READINGS AND REFLECTIONS

-
Image
SECOND DAY: December 17   (from the book: Where is the Child?by Fr. R. Marcos (Makati: StPauls);  pls responsibly acknowledge source when using publicly)   fr tam nguyen's photo   First Reading: Genesis 49:2, 8-10   Jacob called his sons and said [to them]: “Assemble and listen, sons of Jacob, listen to Israel, your father. “You, Judah, shall your brothers praise—your hand on the neck of your enemies;the sons of your father shall bow down to you. Judah is a lion’s cub, you have grown up on prey, my son. He crouches, lies down like a lion, Like a lioness—who would dare rouse him? The scepter shall never depart from Judah, or the mace from between his feet, until tribute comes to him, and he receives the people’s obedience.”     A.             Short Background on the First Reading   1. Who was Judah? Judah was one of the twelve sons of Jacob (or Israel). Jacob was considered the father of the nation of Israel and his twelve sons were cons
Read more